ജയസൂര്യയും നാദിർഷായും വീണ്ടും ഒന്നിക്കുന്നു

സൂപ്പർ ഹിറ്റ് ചിത്രം അമർ അക്ബർ അന്തോണിയുടെ അഞ്ചാം വാർഷികത്തിൽ ജയസൂര്യയും നാദിർഷായും വീണ്ടും ഒന്നിക്കുന്നു. ജയസൂര്യ തന്നെയാണ് തൻ്റെ ഫേസ്ബുക്ക് പേജിലൂടെ വിവരം പുറത്തുവിട്ടത്. നമിത പ്രമോദ് ആണ് ചിത്രത്തിൽ നായികയാവുക. സലിം കുമാറും ചിത്രത്തിൽ സുപ്രധാനമായ ഒരു കഥാപാത്രത്തെ അവതരിപ്പിക്കും.

സുനീഷ് വാരനാടാണ് ചിത്രത്തിനു തിരക്കഥയൊരുക്കുക. ക്യാമറ സുജിത് വാസുദേവ്. അരുൺ നാരായൺ പ്രൊഡക്ഷൻസിൻ്റെ ബാനറിൽ അരുൺ നാരായൺ ആണ് നിർമ്മാണം. നവംബർ പത്തിന് ചിത്രീകരണം ആരംഭിക്കും.