22ാം നിലയിൽ കൈകുത്തി നിന്ന് അഭ്യാസപ്രകടനം നടത്തിയയാൾ അറസ്റ്റിൽ
Oct 16, 2020, 18:22 IST
മുംബൈ: ബഹുനില കെട്ടിടത്തിന്റെ 22ാം നിലയിൽ കൈകുത്തി അഭ്യാസപ്രകടനം നടത്തിയയാൾ ഒടുവിൽ പോലീസിന്റെ പിടിയിലായി. നോമാൻ ഡിസൂസ എന്ന യുവാവിനെയാണ് മുംബൈ പൊലീസ് അറസ്റ്റ് ചെയ്തത്. ഒരാൾക്ക് നിൽക്കാൻ മാത്രം വീതിയുള്ള സ്ഥലത്ത് കൈകുത്തി നിന്ന് ഇയാൾ അഭ്യാസ പ്രകടനം നടത്തുന്നതിന്റെ വിഡിയോ സാമൂഹ്യ മാധ്യമങ്ങളിൽ വൈറലായിരുന്നു.കണ്ഡിവാലിയിലെ എസ്.ആർ.എ ബിൽഡിങ്ങിന് മുകളിലായിരുന്നു ഇയാളുടെ അഭ്യാസ പ്രകടനം. രണ്ടടി മാത്രം വീതിയുള്ള മതിലിൽ കൈകുത്തിയായിരുന്നു സർക്കസ്. ഇയാളുടെ സുഹൃത്തുക്കൾ വിഡിയോ മൊബൈലിൽ പകർത്തുകയും പിന്നീട് ഇൻസ്റ്റഗ്രാമിൽ അപ്ലോഡ് ചെയ്യുകയും ചെയ്തു.