കെ.ജെ.ഷാലറ്റ് ഇന്നലെ പിലാത്തറ ബൂത്തില് വോട്ട് ചെയ്തു
പരിയാരം: തന്റെ വോട്ട് മറ്റൊരാള് ചെയ്തതിനെ തുടര്ന്നു കഴിഞ്ഞ തവണ വോട്ടവകാശം വിനിയോഗിക്കാന് കഴിയാതെ വന്ന കെ.ജെ.ഷാലറ്റ് ഇന്നലെ പിലാത്തറ ബൂത്തില് വോട്ട് ചെയ്തു.ഭര്ത്താവ് വിനു സെബാസ്റ്റ്യനോടൊപ്പമാണ് ഷാലറ്റ് ഇന്നലെ പിലാത്തറ എയുപി സ്കൂളിലെ ബൂത്തിലെത്തി തന്റെ സമ്മതിദാനാവകാശം വിനിയോഗിച്ചത്.വോട്ട് രേഖപ്പെടുത്താന് കഴിഞ്ഞതില് ഏറെ സന്തോഷമുണ്ടെന്നും ഇത് ജനാധിപത്യത്തിന്റെ വിജയമാണെന്നും ഷാലറ്റ് പറഞ്ഞു. മാധ്യമ പ്രവര്ത്തകരോട് സംസാരിക്കവേ എല്ഡിഎഫ് പ്രവര്ത്തകര് അവര്ക്കു നേരെ പ്രതിഷേധമുയര്ത്തി. പൊലീസ് സഹായത്തോടെയാണ് ഷാലറ്റ് തിരിച്ചു പോയത്.