കുവൈത്തിലേക്ക് റിക്രൂട്ട്മന്റ് വിലക്കേര്പ്പെടുത്തുമെന്ന് ഫിലിപ്പീന്സ്
കുവൈത്ത് : കുവൈത്തിലേക്ക് റിക്രൂട്ട്മന്റ് നിരോധനം ഏര്പ്പെടുത്തുമെന്ന് വീണ്ടും ഫിലിപ്പീന്സ് മുന്നറിയിപ്പ് നല്കി. കുവൈത്തില് ഫിലിപ്പീനോ തൊഴിലാളി ലൈംഗികമായി പീഡിപ്പിക്കപ്പെട്ട് കൊല്ലപ്പെട്ട സാഹചര്യത്തിലാണ് ശക്തമായ പ്രതികരണവുമായി ഫിലിപ്പീന്സ് രംഗത്തെത്തിയത്. കോണ്സ്റ്റാന്ഷ്യ ലാഗോ ദയാഗ് (48) ആണ് കഴിഞ്ഞ ദിവസം മരിച്ചത്. ഇവരുടെ ശരീരത്തില് പീഡനമേറ്റതിെന്റ അടയാളങ്ങളുണ്ട്.കേസ് വാദിക്കാന് ഫിലിപ്പീന്സ് എംബസി അഭിഭാഷകനെ ചുമതലപ്പെടുത്തിയിട്ടുണ്ട്. എംബസി ഷര്ഷെ ദഫേ മുഹമ്മദ് നൂര്ദീന് പെന്ഡോസിന കുവൈത്ത് ഫോറന്സിക് വകുപ്പിനോട് വിശദമായ റിപ്പോര്ട്ട് ആവശ്യപ്പെട്ടു.2018 ല് ഫിലിപ്പീനോ ഗാര്ഹികത്തൊഴിലാളി ജൊആന ഡാനിയേലയുടെ മൃതദേഹം ഫ്രീസറില് കണ്ടെത്തിയ സംഭവം അന്താരാഷ്ട്ര തലത്തില് തീ കൊളുത്തി . പിന്നീട് ഗാര്ഹികത്തൊഴിലാളികളെ സ്പോണ്സര്മാരില്നിന്ന് ഒളിച്ചോടാന് എംബസി ജീവനക്കാര് സഹായിക്കുകയും ഇതിെന്റ വിഡിയോ സമൂഹ മാധ്യമങ്ങളിലൂടെ പ്രചരിപ്പിക്കുകയും ചെയ്തത് ഇരുരാജ്യങ്ങളും തമ്മില് സംഘര്ഷത്തിലേക്ക് നയിച്ചു. സമ്ബത്തില് മുഴുവന് തൊഴിലാളികളോടും കുവൈത്തില്നിന്ന് മടങ്ങാന് ഫിലിപ്പീന്സ് പ്രസിഡന്റ് റോഡ്രിഗോ ദുതെര്ത് ആഹ്വനം ചെയ്തു. പിന്നീട് ഏറെ ചര്ച്ചകള്ക്കൊടുവില് പ്രശ്നം പരിഹരിക്കുകയും ഇരു രാജ്യങ്ങളും തമ്മില് പുതിയ റിക്രൂട്ട്മെന്റ് കരാര് ഒപ്പിടുകയും ചെയ്തു. എന്നാല് വീണ്ടും തൊഴിലാളി പീഡനം ആവര്ത്തിച്ച സാഹചര്യത്തിലാണ് ഫിലിപ്പീനോ തൊഴിലാളികളെ അയക്കുന്നത് നിര്ത്തുമെന്ന് പ്രഖ്യാപിച്ചത് .