ഹാഥറസ് കൊലപാതകം: അലഹബാദ് ഹൈകോടതി സ്വമേധയ കേസെടുത്തു
ലക്നൗ : യു.പിയിലെ ഹാഥറസില് ദലിത് പെണ്കുട്ടിയെ ബലാത്സംഗത്തിനിരയാക്കി കൊലപ്പെടുത്തിയ സംഭവത്തില് അലഹാബാദ് ഹൈകോടതി സ്വമേധയ കേസെടുത്തു. സെപ്റ്റംബര് 14ന് യു.പിയിലെ ഹാഥറസിലാണ് പെണ്കുട്ടി ക്രൂരമായ ബലാത്സംഗത്തിനിരയായത്.
ചികില്സയ്ക്കിടെ സെപ്റ്റംബര് 28ന് ഇവര് മരിച്ചതിനെ തുടര്ന്ന് രാജ്യവ്യാപകമായി പ്രതിഷേധമുയര്ന്നിരുന്നുഒക്ടോബര് 12ന് കേസ് പരിഗണിക്കും. ഉത്തര്പ്രദേശ് അഡീഷണല് ചീഫ് സെക്രട്ടറി/പ്രിന്സിപ്പല് സെക്രട്ടറി, യു.പി ഡി.ജി.പി, ലഖ്നോ എ.ഡി.ജി.പി, ജില്ലാ മജിസ്ട്രേറ്റ്, ഹാഥറസ് എസ്.പി എന്നിവര് കോടതിയുടെ മുമ്പാകെ ഹാജരായി വിശദീകരണം നല്കണമെന്നും ഉത്തരവിട്ടിട്ടുണ്ട്.
അവരുടെ വിശദീകരണങ്ങള്ക്ക് സാധൂകരണം നല്കുന്ന തെളിവുകളും ഹാജരാക്കണം.കേസിന്റെ അന്വേഷണ പുരോഗതി കോടതിയെ അറിയിക്കണമെന്നും ഉത്തരവിൽ പറയുന്നു.