Nature
Times Kerala
News|Events|Travel & Tourism|Entertainment|Health|

സംരംഭകത്വ വികസന പദ്ധതി: കോട്ടയം ജില്ലയിൽ  19 വായ്പാ അനുമതിപത്രങ്ങൾ വിതരണം ചെയ്തു.

കോട്ടയം : മുഖ്യ മന്ത്രിയുടെ സംരംഭകത്വ വികസന പദ്ധതിയിൽ ആദ്യ 355 അനുമതിപത്രങ്ങൾ മുഖ്യമന്ത്രി ശ്രീ പിണറായി വിജയൻ
തിങ്കളാഴ്ച ഓൺലൈനായി വിതരണം ചെയ്തു. ധനമന്ത്രി ഡോക്ടർ തോമസ് ഐസക് അധ്യക്ഷനായ പരിപാടി കേരള ഫിനാൻഷ്യൽകോർപ്പറേഷനാണ് സംഘടിപ്പിച്ചത്. തുടർന്ന് കോട്ടയം ബ്രാഞ്ചിൽ നടന്ന ചടങ്ങിൽ ശ്രീ കെ. ജെ . തോമസ്, ജോയിൻറ് സെക്രട്ടറി , കെ എസ് എസ് ഐ എ, കോട്ടയം,   അനുമതി പത്രങ്ങൾ വിതരണം ചെയ്തു. വനിതാ  സംരംഭകയായ  ശ്രീമതി  ലിസ്സി ജോൺസണിന് കേക്ക്  നിർമാണ യൂണിറ്റ് തുടങ്ങുവാനായി വായ്പ  അനുവദിച്ചുകൊണ്ടാണ്   ചടങ്ങ് ആരംഭിച്ചത്. തുടർന്ന്   4  വായ്പാ അനുമതിപത്രങ്ങൾ  നേരിട്ടും 14  വായ്പാ അനുമതിപത്രങ്ങൾ   സംരംഭകർക്ക് ഓൺലൈനായും കൈമാറി.

കോവിഡ് മഹാമാരി മൂലം ജോലി നഷ്ടപ്പെട്ടവർക്കും വിദേശത്തു നിന്നും മടങ്ങിവരുന്നവർക്കും കൈത്താങ്ങായി കേരള സർക്കാർ അവതരിപ്പിച്ച പദ്ധതിയാണ് മുഖ്യ മന്ത്രിയുടെ സംരംഭകത്വ വികസന പദ്ധതി. ഈ പദ്ധതിയിലൂടെ അടുത്ത അഞ്ചുവർഷം കൊണ്ട് 5000 സംരംഭങ്ങൾക്ക്  സബ്സിഡിയോടെ ധനസഹായം നൽകുവാൻ ആണ് ഉദേശിക്കുന്നത്  .

ഈ വർഷം ജൂലൈ 27 ന്  പ്രഖ്യാപിച്ച പദ്ധതിക്ക് തുടക്കം മുതൽ തന്നെ മികച്ച പ്രതികരണമാണ് ലഭിച്ചിട്ടുള്ളത്. ആദ്യ ബാച്ചിലെ 100 സംരംഭങ്ങൾക്ക് അനുമതി നൽകാനാണ് ഉദ്ദേശിച്ചിരുന്നത് എങ്കിലും അപേക്ഷകളുടെ ആധിക്യം മൂലം ഇത് 355 ആയി ഉയർത്തുകയായിരുന്നു. കേരള ഫിനാൻഷ്യൽ കോർപ്പറേഷൻ ഈ പദ്ധതി നടപ്പിലാക്കിയ രീതി വളരെ പ്രശംസനീയമാണ് എന്ന്  മുഖ്യമന്ത്രി ശ്രീ പിണറായി വിജയൻ പറഞ്ഞു.

“ധൃതഗതിയിലുള്ള നടപടികളിലൂടെ സംരംഭകരുടെ അപേക്ഷകൾ പ്രോസസ് ചെയ്യുകയും വീഡിയോ കോൺഫറൻസിലൂടെ സംരംഭകർക്ക് വീടുകളിൽ നിന്ന് തന്നെ കെ എഫ് സി യുമായി ബന്ധപ്പെട്ട നടപടിക്രമങ്ങൾ പൂർത്തിയാക്കുന്നതിന് സൗകര്യവും ഏർപ്പെടുത്തി” അദ്ദേഹം കൂട്ടിച്ചേർത്തു.
You might also like

Comments are closed.