സഹോദരന്റെ മരണവാർത്ത അറിഞ്ഞു, മൃതദേഹം കാണാന്‍ ഭര്‍ത്താവിനൊപ്പം കാറില്‍ പോകുന്നതിനിടെ യുവതിക്ക് ദാരുണാന്ത്യം
Sep 28, 2020, 20:40 IST
ആലുവ: ഹൃദയാഘാതം മൂലം മരിച്ച സഹോദരന്റെ മൃതദേഹം കാണാന്‍ ഭര്‍ത്താവിനൊപ്പം കാറില്‍ പോകുന്നതിനിടെ യുവതി മരിച്ചു. ചെങ്ങമനാട് നെടുവന്നൂര്‍ മണിയന്‍പാറ വിട്ടില്‍ അബുവിന്റെ ഭാര്യ നസീമയാണ് ( 45 ) മരിച്ചത്.നസീമയുടെ ഇളയ സഹോദരന്‍ നാദിര്‍ഷ ( 42 ) തിങ്കളാഴ്ച ഉച്ചയോടെ ജോലി സ്ഥലത്ത് കുഴഞ്ഞ് വീണ് മരിച്ചു. അ സഹോദരന്റെ മരണവാര്‍ത്ത അറിഞ്ഞ നസീമ ഉച്ചക്ക് 1.45 ഓടെ മൃതദേഹം കാണാന്‍ ഭര്‍ത്താവിനൊപ്പം സഹോദരന്റെ ഏലൂക്കരയിലെ വീട്ടിലേക്ക് പോകുമ്പോഴാണ് ദേശീയപാതയില്‍ ദേശം കുന്നുംപുറത്ത് വെച്ച് നെഞ്ചുവേദന അനുഭവപ്പെട്ടത്.ഉടനെ തൊട്ടടുത്ത സി.എ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
