കോവിഡ് രോഗി ആശുപത്രിയിൽനിന്ന് വീട്ടിലെത്തിയത് പുഴുവരിച്ച നിലയിൽ; ദുരനുഭവം നേരിടേണ്ടി വന്നത് രുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലായിരുന്ന വട്ടിയൂർക്കാവ് സ്വദേശി
തിരുവനന്തപുരം: കോവിഡ് ബാധിച്ചു ചികിത്സയിലായിരുന്ന രോഗി ആശുപത്രിയിൽനിന്ന് വീട്ടിലെത്തിയത് ശരീരത്തിൽ പുഴുവരിച്ച നിലയിൽ. തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലായിരുന്ന വട്ടിയൂർക്കാവ് സ്വദേശി അനിൽകുമാറിനാണ് ദാരുണ അനുഭവം നേരിടേണ്ടി വന്നത്.വീഴ്ചയിലേറ്റ പരിക്കുകളെ തുടർന്നാണ് ഓഗസ്റ്റ് 21ന് അനിൽകുമാറിനെ ആശുപത്രിയിൽ പ്രവേശിപ്പിച്ചത്. ചികിത്സയിൽ കഴിയവെ കോവിഡ് സ്ഥിരീകരിക്കുകയായിരുന്നു. കഴിഞ്ഞ ദിവസമാണ് അനിൽകുമാറിന് കോവിഡ് രോഗബാധ നെഗറ്റീവായത്. ഇതേ തുടർന്ന് അദ്ദേഹത്തെ ഡിസ്ചാർജ് ചെയ്തു. വീട്ടിലെത്തിച്ച അനിൽകുമാറിന്റെ ശരീരത്തിൽനിന്നും ദുർഗന്ധം ഉണ്ടായതിനെ തുടർന്ന് നടത്തിയ പരിശോധനയിലാണ് ദേഹമാസകലം പുഴുവരിക്കുന്നത് വീട്ടുകാർ കണ്ടത്.സംഭവത്തിൽ അനിൽകുമാറിന്റെ കുടുംബം ആരോഗ്യമന്ത്രിക്ക് പരാതി നൽകി.