മോഷണം പോയ ടാബ് ഒരു മണിക്കൂറിനുള്ളിൽ കണ്ടെത്തി ചങ്ങനാശേരി പോലീസ്
Sep 27, 2020, 19:43 IST
ചങ്ങനാശ്ശേരി: ടാബ് മോഷണം പോയെന്ന പരാതി ലഭിച്ച് ഒരു മണിക്കൂറിനകം ടാബ് കണ്ടെത്തി ചങ്ങനാശേരി പോലീസ്. അരമനപ്പടി ഭാഗത്തുള്ള വീട്ടില്‍നിന്ന് വെള്ളിയാഴ്ച രാത്രി ഏഴുമണിയോടെയാണ് ടാബ് മോഷണം പോയത്.ശനിയാഴ്ച രാവിലെയാണ് മോഷണവിവരം വീട്ടുകാര്‍ അറിയുന്നത്. തുടര്‍ന്ന് വീട്ടുകാർ ചങ്ങനാശ്ശേരി പൊലീസില്‍ പരാതി നല്‍ക്കുകയായിരുന്നു. പരാതിക്കാർ നൽകിയ സൂചനകളുടെ അടിസ്ഥാനത്തില്‍ ആളെ മനസ്സിലാക്കിയ പോലീസ് കുറിച്ചി സ്വദേശി 25 കാരന്റെ വീട്ടിലെത്തി ടാബ് കണ്ടെടുക്കുകയായിരുന്നു. എസ്.ഐ ഷമീര്‍ഖാന്റെ നേതൃത്വത്തില്‍ പൊലീസുകാരായ തോമസ് സ്റ്റാന്‍ലി, ബര്‍ണബാസ്, സുപ്രഭ എന്നിവരായിരുന്നു കേസ് അന്വേഷിച്ചത്. അതേസമയം, കേസ് വേണ്ടെന്നായിരുന്നു പരാതിക്കാരുടെ നിലപാട്. പിടിയിലായ യുവാവിന് മാനസിക പ്രശ്നങ്ങളുണ്ടെന്നാണ് സൂചന.
