പിഴ ചുമത്തിയതിന്റെ വൈരാഗ്യം; പൊലീസിന്‍റെ ബൈക്ക് യുവാക്കൾ മോഷ്ടിച്ചു
ബാംഗളൂരു: മാസ്ക് ധരിക്കാത്തതിന് പിഴ ചുമത്തപ്പെട്ട രണ്ടു യുവാക്കൾ ചേർന്ന് പോലീസിന്റെ ബൈക്ക് മോഷ്ടിച്ച്. കർണാടകയിലെ ഹൊസനഗറിലാണ് സംഭവം. പരിശോധനക്കിനിടെ മാസ്ക്ക് ധരിക്കാതെ വന്ന പ്രതികൾക്ക് പൊലീസ് പിഴ ചുമത്തുകയായിരുന്നു. എന്നാൽ അവരുടെ പക്കൽ തുക ഇല്ലാത്തതിനാൽ പൊലീസ് പ്രതിളെ സ്റ്റേഷനിൽ കൊണ്ട് പോയ ശേഷം കേസ് എടുക്കുകയും, തുടർന്ന് വിട്ടയക്കുകയുമായിരുന്നു. തുടർന്ന് പൊലീസ് സ്റ്റേഷനിൽ നിന്ന് പോയ യുവാക്കൾ സ്റ്റേഷന് മുന്നിലുള്ള കടയിലേക്ക് പോയി തങ്ങളുടെ ബൈക്കിന്‍റെ താക്കോൽ നഷ്ടപ്പെട്ടതായി പറഞ്ഞ് കടയിൽ നിന്ന് ഒരു ബൈക്കിന്‍റെ കീ വാങ്ങി സ്റ്റേഷനിൽ ഉണ്ടായിരുന്ന പൊലീസ് ബൈക്കുമായി കടന്നുകളയുകയായിരുന്നു. ജോലി കഴിഞ്ഞ് വീട്ടിലേക്ക് പോകാൻ നോക്കിയപ്പോഴാണ് പൊലീസുകാരന്‍റെ ബൈക്ക് മോഷ്ടിച്ചതായി അറിയുന്നത്. ഹോസനഗർ പൊലീസ് സ്റ്റേഷനിൽ ബൈക്ക് മോഷണ കേസ് രജിസ്റ്റർ ചെയ്തിട്ടുണ്ട്.
