‘കാർഷിക ബില്ലുകൾക്കെതിരെ പ്രതിഷേധിക്കുന്നവർ തീവ്രവാദികൾ’ കങ്കണയ്ക്കെതിരെ ക്രിമിനൽ കേസ്
Sep 26, 2020, 18:53 IST
ബംഗളൂരു: രാജ്യത്ത് കാർഷിക ബില്ലുകൾക്കെതിരെ പ്രതിഷേധിക്കുന്നവർ തീവ്രവാദികളാണെന്ന ബോളിവുഡ് നടി കങ്കണ റണാവത്തിൻെറ വിവാദ പരാമർശത്തിനെതിരെ ക്രിമിനൽ കേസ്. കർണാടകയിലെ തുംകൂരിലെ ജെ.എം.എഫ്.സി കോടതിയിലാണ് നടിക്കെതിരെ കേസ് രജിസ്റ്റർ ചെയ്തത്. ഇന്ത്യൻ ശിക്ഷ നിയമത്തിലെ 44, 108, 153, 153 എ, 504 വകുപ്പുകൾ പ്രകാരമാണ് കേസ്. ഈ മാസം 20ന് ആയിരുന്നു കങ്കണയുടെ വിവാദ ട്വീറ്റ്.സി.എ.എക്കെതിരെ സമരം ചെയ്ത തീവ്രവാദികളെപ്പോലെയാണ് കാർഷിക ബില്ലിനെ എതിർക്കുന്നവർ എന്നായിരുന്നു കങ്കണ ട്വിറ്ററിൽ കുറിച്ചത്. ഇതിന് പിന്നാലെ കങ്കണക്കെതിരെ കോൺഗ്രസ് അടക്കമുള്ള പ്രതിപക്ഷ കക്ഷികളും കർഷക സംഘടനകളും രംഗത്ത് എത്തിയിരുന്നു. ഇതിനു പിന്നാലെയാണ് കേസ്.