സംസ്ഥാനത്ത് ഇന്ന് ഉറവിടം അറിയാത്ത 713 രോഗികൾ; ആശങ്ക
Sep 25, 2020, 18:13 IST
തിരുവനന്തപുരം: കേരളത്തില് ഇന്ന് 6477 പേര്ക്ക് കോവിഡ്-19 സ്ഥിരീകരിച്ചു. ഇവരിൽ 58 പേര് വിദേശ രാജ്യങ്ങളില് നിന്നും 198 പേര് മറ്റ് സംസ്ഥാനങ്ങളില് നിന്നും വന്നതാണ്. 5418 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 713 പേരുടെ സമ്പര്ക്ക ഉറവിടം വ്യക്തമല്ല.ഇവ രണ്ടുംകൂടെ ആകെ 6131 സമ്പര്ക്ക രോഗികളാണുള്ളത്.
തിരുവനന്തപുരം 794, മലപ്പുറം 753, കോഴിക്കോട് 676, എറണാകുളം 619, തൃശൂര് 596, കൊല്ലം 552, ആലപ്പുഴ 516, പാലക്കാട് 396, കണ്ണൂര് 353, കോട്ടയം 320, കാസര്ഗോഡ് 251, പത്തനംതിട്ട 143, ഇടുക്കി 97, വയനാട് 65 എന്നിങ്ങനേയാണ് സമ്പര്ക്കത്തിലൂടെ രോഗം ബാധിച്ചത്.