ഐക്യരാഷ്ട്ര സഭയുടെ ജീവിതശൈലി രോഗ നിയന്ത്രണ അവാർഡ് കേരളത്തിന് സ്വന്തം
Sep 25, 2020, 00:19 IST
തിരുവനന്തപുരം: ഐക്യരാഷ്ട്ര സഭയുടെ ജീവിതശൈലി രോഗ നിയന്ത്രണത്തിനുള്ള അവാര്ഡ് കേരളത്തിന്. ലോകാരോഗ്യ സംഘടന ഡയറക്ടര് ജനറല് ഡോ. ടെഡ്രോസ് അദാനോം ഗെബ്രിയേസസ് ആണ് യു.എന്. ചാനലിലൂടെ അവാര്ഡ് ഔദ്യോഗികമായി പ്രഖ്യാപിച്ചത്.ആരോഗ്യ വകുപ്പ് നടപ്പിലാക്കി വരുന്ന ജീവിതശൈലീ രോഗ നിയന്ത്രണ പദ്ധതിയുടെ മികവിന്റെ അടിസ്ഥാനത്തിലാണ് ഈ അവാര്ഡ് ലഭിക്കുന്നത്.
2020ല് ഐക്യരാഷ്ട്ര സഭ ഈ അവാര്ഡിനായി സര്ക്കാര് വിഭാഗത്തില് തെരഞ്ഞെടുത്ത 7 രാജ്യങ്ങള്ക്കൊപ്പമാണ് കേരളത്തിലെ ആരോഗ്യ വകുപ്പിനെ തെരഞ്ഞെടുത്തത്.ആരോഗ്യ മേഖലയില് കേരളം ചെയ്യുന്ന വിശ്രമമില്ലാത്ത സേവനങ്ങള്ക്കുള്ള അംഗീകാരമാണിതെന്ന് ആരോഗ്യ വകുപ്പ് മന്ത്രി കെ.കെ. ശൈലജ പറഞ്ഞു.