ബ്രിട്ടീഷ് പത്രപ്രവർത്തകനും ഗ്രന്ഥകാരനുമായ സർ ഹാരള്ഡ് എവാന്സ് അന്തരിച്ചു
ലണ്ടൻ: വിഖ്യാത ബ്രിട്ടീഷ് പത്രപ്രവർത്തകനും ഗ്രന്ഥകാരനുമായ സർ ഹാരൾഡ് എവാൻസ് (92) അന്തരിച്ചു. ന്യൂയോര്ക്കിലെ വസതിയില് ഹൃദയാഘാതത്തെത്തുടര്ന്നാണ് അന്ത്യം.പതിനാല് വർഷത്തോളം സൺഡേ ടൈംസിന്റെ എഡിറ്ററായിരുന്നു. നിലവിൽ ന്യൂസ് ഏജൻസിയായ റോയിട്ടേഴ്സിന്റെ എഡിറ്റർ ഇൻ ചാർജായി സേവനമനുഷ്ഠിക്കുകയായിരുന്നു ഇദ്ദേഹം. ദ അമേരിക്കൻ സെൻച്വറി, ദേ മേഡ് അമേരിക്ക, എഡിറ്റേഴ്സ് ആൻഡ് റൈറ്റേഴ്സ്, എസ്സൻഷ്യൽ ഇംഗ്ലീഷ് ഫോർ ജേണലിസ്റ്റ്സ്, എഡിറ്റിംഗ് ആൻഡ് ഡിസൈൻ തുടങ്ങിയ നിരവധി ഗ്രന്ഥങ്ങൾ ഇദ്ദേഹത്തിന്റേതാണ്. കൂടാതെ ഇദ്ദേഹത്തിന്റെ അന്വേഷണാത്മക റിപ്പോര്ട്ടുകള് ഏറെ പ്രസിദ്ധമാണ്.