500രുപ മോഷ്ടിച്ചെന്ന് സംശയം, 14കാരനെ സുഹൃത്തിന്റെ അമ്മ തല്ലിക്കൊന്നു
ഭൂവനേശ്വർ: പണം മോഷ്ടിച്ചെന്ന് ആരോപിച്ച് 14 വയസുകാരനായ വിദ്യാർത്ഥിയെ സുഹൃത്തിന്റെ അമ്മ തല്ലി കൊലപ്പെടുത്തി. ഒഡീഷയിലെ മയൂര്‍ബഞ്ചിലാണ് ഞെട്ടിക്കുന്ന സംഭവം.ഏഴാം ക്ലാസ് വിദ്യാര്‍ഥിയായ രാജന്‍ ബെഹ്‌റ ആണ് മരിച്ചത്. മര്‍ദ്ദനത്തില്‍ ഗുരുതരമായി പരിക്കേറ്റ കുട്ടി വീട്ടില്‍ മടങ്ങിയെത്തിയെങ്കിലും അല്പസമയത്തിനുള്ളിൽ മരണത്തിന് കീഴടങ്ങുകയായിരുന്നു.
രാജന്‍ സുഹൃത്തിന്റെ വീട്ടില്‍ പോയ ദിവസം വീട്ടിൽ നിന്നും 500 രൂപ കാണാതായെന്നും ഇതിനെക്കുറിച്ച് അന്വേഷിക്കാൻ രാജനെ സുഹൃത്തിന്റെ അമ്മ വീട്ടിലേക്ക് വിളിപ്പിച്ചു.കുപിതയായ സ്ത്രീ രാജനെ വടികൊണ്ട് മര്‍ദ്ദിച്ചു. എന്നാണു ഗ്രാമവാസികൾ പൊലീസിന് നൽകിയിരിക്കുന്ന മൊഴി.സംഭവത്തിൽ സ്ത്രീയെ അറസ്റ്റ് ചെയ്ത് പോലീസ് അന്വേഷണം ആരംഭിച്ചു