Nature
Times Kerala
News|Events|Travel & Tourism|Entertainment|Health|

ഒരു കോവിഡ്​ വാക്​സിനും ഫലപ്രാപ്​തി തെളിയിച്ചിട്ടില്ല; ലോകാരോഗ്യ സംഘടന

ജനീവ : വിവിധ രാജ്യങ്ങളിലായി പരീക്ഷണം നടന്നുകൊണ്ടിരിക്കുന്ന കോവിഡ്​ വാക്​സിനുകള്‍ ഫലം ചെയ്യുമോ എന്ന കാര്യത്തില്‍ യാതൊരു ഉറപ്പും പറയാനാകില്ലെന്ന് ലോകാരോഗ്യ സംഘടന . ഒരു കൊവിഡ് വാക്സിനും ഇതുവരെ ലോകാരോഗ്യ സംഘടന നിഷ്‍കര്‍ഷിക്കുന്ന ഫലപ്രാപ്‍തി തെളിയിച്ചിട്ടില്ലെന്നും ഡബ്ല്യു.എച്ച്‌​.ഒ മേധാവി ടെഡ്രോസ്​ അദാനോം ഗെബ്രിയേസസ്​ പറഞ്ഞു ​.

വികസിപ്പിച്ചെടുത്ത വാക്​സിനുകള്‍ കൂടുതല്‍ പേരില്‍ പരീക്ഷണം നടത്തുന്നത്​ വഴി ഏറ്റവും ഫലപ്രദമായ വാക്​സിനിലേക്ക്​ എത്തിച്ചേരാന്‍ കഴിയുമെന്നും അദ്ദേഹം അഭിപ്രായപ്പെട്ടു . ‘കോവിഡ്​ പ്രതിരോധത്തിനായി 200ലധികം വാക്​സിനുകളാണ്​ പരീക്ഷണം നടന്നുവരുന്നത്​. വാക്​സിനുകളുടെ ചരിത്രം പരിശോധിച്ചാല്‍, ചിലത്​ വിജയിച്ചതായും ചിലത്​ പരാജയപ്പെട്ടതായും കാണാന്‍ സാധിക്കും. കോവിഡി​െന്‍റ വാക്​സിനുകളുടെ കാര്യത്തിലും സമാന സാഹചര്യമായിരിക്കുമെന്നും അദ്ദേഹം പറഞ്ഞു .

അടുത്ത ഒരു മഹാമാരിക്ക് മുമ്ബ് ലോകരാജ്യങ്ങള്‍ സുസജ്ജമാകണം എന്നും ഗെബ്രിയേസസ് മുന്നറിയിപ്പ്​ നല്‍കുന്നു . ‘രാജ്യങ്ങള്‍ ആരോഗ്യ മേഖലയില്‍ കൂടുതല്‍ നിക്ഷേപം നടത്തണം . കോവിഡ്​ അവസാനത്തെ പകര്‍ച്ചവ്യാധിയല്ല . പകര്‍ച്ചവ്യാധികളും രോഗങ്ങളും ജീവിതത്തി​െന്‍റ ഭാഗമാണെന്ന്​ ചരിത്രം പഠിപ്പിക്കുന്നുണ്ട് ​. എന്നാല്‍, അടുത്ത പകര്‍ച്ചവ്യാധി പൊട്ടിപ്പുറപ്പെടുമ്പോള്‍ നാം അത്​ നേരിടാന്‍ സജ്ജമായിരിക്കണം. -ഗെബ്രിയേസസ് കൂട്ടിച്ചേര്‍ത്തു.

You might also like

Comments are closed.