ഉത്തപ്പ അടുത്ത സീസണിൽ കേരളത്തിനായി പാഡണിയും
റോബിൻ ഉത്തപ്പ ഇനി കേരളത്തിനു വേണ്ടി കളിക്കും. ഇതു സംബന്ധിച്ച് കേരള ക്രിക്കറ്റ് അസോസിയേഷനും (കെ.സി.എ) ഉത്തപ്പയും തമ്മിൽ ധാരണയിലെത്തി. കഴിഞ്ഞ സീസണിൽ കളിച്ച സൗരാഷ്ട്രയിൽനിന്ന് നിരാക്ഷേപപത്രം (എൻ.ഒ.സി) ലഭിച്ചാൽ ഉത്തപ്പ കേരള ടീമിൻ്റെ ഭാഗമാവും.
കഴിഞ്ഞ സീസണുകളിൽ കേരളത്തിനു വേണ്ടി ഓപ്പൺ ചെയ്ത തമിഴ്നാട് സ്വദേശി അരുൺ കാർത്തിക്കിനെ ഒഴിവാക്കിയാണ് ഉത്തപ്പയെ ടീമിലെത്തിക്കുന്നത്. പ്രതിഫലത്തിൻ്റെ കാര്യത്തിൽ തീരുമാനമായിട്ടില്ല. സമ്മര്ദഘട്ടങ്ങള് കൈകാര്യം ചെയ്യാന് പരിചയസമ്പന്നനായ താരത്തിനായുള്ള അന്വേഷണത്തിലായിരുന്നു കേരളമെന്നും ഉത്തപ്പ ടീമിലെത്തുന്നത് ടീമിൻ്റെ ബാറ്റിങ് കരുത്ത് വര്ധിപ്പിക്കുമെന്നും കെ.സി.എ സെക്രട്ടറി ശ്രീജിത്ത് വി നായര് പറഞ്ഞു.