പ്രായപൂര്ത്തിയാകാത്ത വിദ്യാർഥിയെ ബലാത്സംഗം ചെയ്തതായി പരാതി; അറബി കോളജ് അധ്യാപകൻ ഒളിവിൽ
മലപ്പുറം: കല്പകഞ്ചേരിയില് അറബി കോളജ് അധ്യാപകൻ പ്രായ പൂര്ത്തിയാകാത്ത വിദ്യാർഥിയെ ബലാത്സംഗം ചെയ്തു .അധ്യാപകനായ സലാഹുദ്ദീൻ തങ്ങളാണ് പതിനേഴുകാരിയായ പെണ്കുട്ടിയെ ബലാത്സംഗം ചെയ്തത്. ഇയാൾക്കെതിരെ പൊലീസ് പോക്സോ നിയമപ്രകാരം കേസ് രജിസ്റ്റർ ചെയ്തതോടെ അധ്യാപകൻ ഒളിവിൽ പോയി.പീഡനവിവരം പുറത്തുപറയരുതെന്ന് അധ്യാപകന്റെ ഭീക്ഷണിയെ തുടന്ന് വിവരം പെൺകുട്ടി വീട്ടുകാരോട് പറഞ്ഞിരുന്നില്ല.ഇതിനിടെ വീട്ടുകാര് വിവാഹം ആലോചിച്ചപ്പോള് പെണ്കുട്ടി നിരസിച്ചതോടെയാണ് വിവരം പുറത്തറിഞ്ഞത്.വീട്ടുകാർ ചൈൽഡ് ലൈൻ പ്രവർത്തകരെ വിവരമറിയിക്കുകയും പിന്നീട് പരാതി കൽപകഞ്ചേരി പൊലീസിന് കൈമാറുകയുമായിരുന്നു. അതേസമയം, കോളജിലെ മറ്റ് പെണ്കുട്ടികളേയും ഇയാള് ലൈംഗികമായി ഉപദ്രവിച്ചിട്ടുണ്ടെന്ന വിവരം ലഭിച്ചിട്ടുണ്ടെന്ന് പൊലീസ് പറയുന്നു.പ്രതിയെ ഉടൻ പിടികൂടാൻ ആകുമെന്ന് പോലീസ് അറിയിച്ചു.