മലയാറ്റൂർ സ്ഫോടനം; പാറമട ഉടമയ്ക്കും നടത്തിപ്പുകാരനും എതിരെ മനഃപൂർവമല്ലാത്ത നരഹത്യക്ക് കേസ്
മലയാറ്റൂർ: മലയാറ്റൂരിലെ പാറമടയിൽ സ്ഫോടക വസ്തുക്കൾ പൊട്ടിത്തെറിച്ച് രണ്ട് പേർ മരിച്ച സംഭവത്തിൽ പാറമട ഉടമയ്ക്കും നടത്തിപ്പുകാരനും എതിരെ മനപൂർവമല്ലാത്ത നരഹത്യക്ക് പോലീസ് കേസെടുത്തു. മലയാറ്റൂരിന് സമീപം ഇല്ലിത്തോടുള്ള വിജയ എന്ന പാറമടയിൽ തിങ്കളാഴ്ച പുലർച്ചെ 3.30നാണ് അപകടം നടന്നത്. പാറമട തൊഴിലാളികൾ ആയ നാഗയും പെരിയണ്ണനുമാണ് മരിച്ചത്. സംഭവത്തിൽ പോലീസ് നടത്തിയ ചോദ്യം ചെയ്യലിലാണ് സ്ഫോടനത്തിൽ തകർന്ന കെട്ടിടത്തിൽ വെടിമരുന്ന് സൂക്ഷിക്കാൻ അനുമതി ഉണ്ടായിരുന്നില്ലഎന്ന് വ്യക്തമായത്. സ്ഫോടനത്തെക്കുറിച്ച് തഹസീല്ദാരോട് റിപ്പോര്ട്ട് ആവശ്യപ്പെട്ടതായി ജില്ലാ കളക്ടര് എസ്.സുഹാസ് അറിയിച്ചു.