Nature

20കാരി കാമുകിയെ ആദ്യമായി കാണാന്‍ കൈ നിറയെ സമ്മാനങ്ങളുമായി തൃശൂര്‍ നിന്നും കാസര്‍കോട് എത്തി യുവാവ്; കാമുകിയുടെ മുഖം കണ്ടതോടെ നിയന്ത്രണം വിട്ടു, കത്തി വീശി.!!

കാസര്‍കോട് : തൃശ്ശൂരില്‍ നിന്ന് വിലകൂടിയ‌ സമ്മാനങ്ങളുമായി ‘യുവതിയായ’ കാമുകിയെ കാണാന്‍ എത്തിയ യുവാവ് , പ്രണയിനിയെ കണ്ടതോടെ ഞെട്ടി . മുന്‍ ധാരണ പ്രകാരം ബേക്കല്‍ കോട്ടയുടെ സമീപത്തെത്തിയ കാമുകനും സുഹൃത്തും കബളിപ്പിക്കപ്പെട്ടു എന്നറിഞ്ഞപ്പോള്‍ യുവാവ് നിയന്ത്രണം വിട്ട് കത്തി വീശി.

വിവരമറിഞ്ഞെത്തിയ ബേക്കല്‍ പൊലീസ് കാമുകനും സുഹൃത്തിനുമെതിരെ പകര്‍ച്ചവ്യാധി നിയന്ത്രണ നിയമമനുസരിച്ച്‌ കേസെടുത്ത് താക്കീത് നല്‍കി വിട്ടയച്ചു.

ഇരുപതുകാരിയെന്ന വ്യാജേന കാസര്‍കോട് കുമ്പളയിലെ വാടക ക്വാര്‍ട്ടേഴ്സിലെ താമസക്കാരിയായ സ്ത്രീയും തൃശ്ശൂരിലെ യുവാവും സാമൂഹിക മാധ്യമത്തിലൂടെയാണ് പരിചയപ്പെട്ടത്. പിന്നീട് പരിചയം പ്രണയത്തിലേക്ക് വളര്‍ന്നതോടെ കുമ്ബളക്കാരി യുവാവില്‍നിന്ന്‌ പലപ്പോഴായി പണം കൈപ്പറ്റി . ഇതിനിടെയാണ് യുവാവിന് കാമുകിയെ നേരില്‍ കാണാന്‍ കൊതിയായത്. അങ്ങനെ കഴിഞ്ഞദിവസം യുവാവും സുഹൃത്തും ബൈക്കില്‍ തൃശ്ശൂരില്‍ നിന്ന്‌ കാസര്‍കോട്ടേക്ക് തിരിച്ചു .

ബേക്കല്‍ കോട്ടയ്ക്ക് സമീപം കണ്ടുമുട്ടാമെന്നായിരുന്നു ധാരണ . ഇതനുസരിച്ച്‌ കാമുകിയും എത്തി . പര്‍ദയണിഞ്ഞെത്തിയ കാമുകിയുടെ മുഖം കാണണമെന്ന ആശ കാമുകന്റെ പ്രതീക്ഷ തകര്‍ത്തു . 50 കഴിഞ്ഞ് പല്ലുകള്‍ കൊഴിഞ്ഞ് അമ്മയാകാന്‍ പ്രായമുള്ള സ്ത്രീ തന്നെ കബളിപ്പിക്കുകയായിരുന്നുവെന്ന് ബോധ്യമായതോടെ പലപ്പോഴായി ഇവരുടെ അക്കൗണ്ടിലേക്ക് കൈമാറിയ തുക യുവാവ് മടക്കി നല്കാൻ ആവശ്യപ്പെട്ടു .

ഇതേ ചൊല്ലിയുള്ള വാക്‌തര്‍ക്കത്തിനിടയില്‍ യുവാവ് കത്തി വീശുകയായിരുന്നു . സംഭവം ശ്രദ്ധയില്‍പ്പെട്ട നാട്ടുകാര്‍ വിവരമറിയച്ചതിനെ തുടര്‍ന്ന് ബേക്കല്‍ എസ്.ഐ. അജിത്ത് കുമാറിന്റെ നേതൃത്വത്തില്‍ പൊലീസ് സ്ഥലത്തെത്തി . സ്ത്രീക്ക് പരാതി ഇല്ലാത്തതിനാല്‍ യുവാക്കളുടെ പേരില്‍ മുഖാവരണം ധരിക്കാത്തതിനടക്കം കേസെടുത്ത് വിട്ടയച്ചു.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.