Nature

മഞ്ജു വാര്യർ ചിത്രം “കയറ്റം” ബുസാന്‍ ഫിലിം ഫെസ്റ്റിവലിലേക്ക്​.!

മഞ്ജു വാര്യരെ പ്രധാന കഥാപാത്രമാക്കി സനൽകുമാർ ശശിധരൻ സംവിധാനം ചെയ്ത “കയറ്റം” (A’HR),ഒക്ടോബര്‍ ഏഴ് മുതല്‍ നടക്കുന്ന 25-ാംമത് ബുസാന്‍ ഫിലിം ഫെസ്റ്റിവലിലേക്ക്​ തിരഞ്ഞെടുക്കപ്പെട്ടു.

അപകടം പതിയിരിക്കുന്ന ഹിമാലയൻ പർവതനിരകളിലൂടെയുള്ള ട്രെക്കിങ്​ വിഷയമായ ചിത്രത്തിൻറെ തിരക്കഥ രചന, എഡിറ്റിംങ്, സൗണ്ട് ഡിസൈൻ എന്നിവയും സംവിധായകന്‍ സനല്‍കുമാര്‍ ശശിധരന്‍ തന്നെയാണ്​ നിര്‍വ്വഹിച്ചിരിക്കുന്നത്​.

ചന്ദ്രു സെൽവരാജാണ്​ ഛായാഗ്രാഹണം . കയറ്റം എന്ന ചിത്രത്തിനു വേണ്ടി തയാറാക്കിയ അഹർസംസ എന്ന ഭാഷയാണ് മറ്റൊരു പ്രത്യേകത. ഈ ഭാഷയിൽ കയറ്റം എന്നതിനുള്ള വാക്കായ “അഹർ” ആണ് സിനിമയുടെ മറ്റൊരു ടൈറ്റിൽ. അഹർ സംസയിലുള്ള പത്തു പാട്ടുകളിലൂടെ വ്യത്യസ്തമായ രീതിയിൽ കഥ പറയുന്ന സിനിമയുടെ ഗാനങ്ങൾ ചിട്ടപ്പെടുത്തുന്നത് രതീഷ് ഈറ്റില്ലമാണ്.

മഞ്ജു വാര്യർ പ്രൊഡക്ഷൻസ്, നിവ് ആർട്ട് മൂവീസ്, എന്നീ ബാനറുകളിൽ ഷാജി മാത്യു, അരുണ മാത്യു, മഞ്ജു വാര്യർ, എന്നിവർ ചേർന്ന് നിർമ്മിക്കുന്ന ഈ ചിത്രത്തിലെ എല്ലാ ഗാനങ്ങളും ഷൂട്ടിംഗ് നടന്നിരുന്ന ഹിമാലയൻ ട്രെക്കിങ്​ സൈറ്റുകളിൽ ഓൺ ദി സ്പോട്ട് ഇംപ്രൊവൈസേഷൻ ആയിട്ടാണ് ചിട്ടപ്പെടുത്തിയിരിക്കുന്നു എന്നത് ഒരു സവിശേഷതയാണ്.

എക്സിക്യുട്ടീവ് പ്രൊഡ്യൂസേർസ്-ബിനീഷ് ചന്ദ്രന്‍,ബിനു ജി. നായര്‍,പ്രൊഡക്ഷന്‍ ഡിസെെന്‍ ആന്റ് പബ്ലിസിറ്റി-ദിലീപ് ദാസ്,സൗണ്ട് റെക്കോഡിംങ്-നിവേദ് മോഹന്‍ദാസ്,കളറിസ്റ്റ്-ലിജു പ്രഭാകര്‍,സ്റ്റില്‍സ്-ഫിറോഷ് കെ ജയേഷ്,ചീഫ് അസോസിയേറ്റ് ഡയറക്ടര്‍-ജിജു ആന്റണി,സ്റ്റുഡിയോ-രംഗ് റെയ്സ് ആന്റ് കാഴ്ച ക്രീയേറ്റീവ് സ്യൂട്ട്,പോസ്റ്റ് പ്രൊഡക്ഷന്‍ അസോസിയേറ്റ്-ചാന്ദിനി ദേവി,

Follow Us On Helo, Facebook, Telegram. Subscribe to Our Youtube Channel
You might also like

Comments are closed.