അവിഹിതം കണ്ടെത്തിയ ഭർത്താവിനെ കൊന്നു; ഭാര്യയയെയും കാമുകനെയുമടക്കം മൂന്ന് പേരെ ഗ്രാമീണർ തല്ലിക്കൊന്നു
റാഞ്ചി: അവിഹിത ബന്ധം കണ്ടെത്തിയ ഭർത്താവിനെ കൊലപ്പെടുത്തിയ സ്ത്രീയെയും കാമുകനെയും സുഹൃത്തിനെ ഗ്രാമീണർ തല്ലിക്കൊന്നു.ഝാർഖണ്ഡിൽ ഗുംല ജില്ലയിലാണ് ആൾക്കൂട്ട ആക്രമണത്തിൽ മൂന്നു പേർ കൊല്ലപ്പെട്ടത്.കൊല്ലപ്പെട്ട സ്ത്രീയുടെ ഭർത്താവിനെ മൂവരും ചേർന്ന് ശ്വാസം മുട്ടി കൊലപ്പെടുത്തിയതായാണ് റിപ്പോർട്ട്.സികോയ് പഞ്ചായത്തിലെ ദെരാഗ്ദി ഗ്രാമത്തിൽ തിങ്കളാഴ്ച രാത്രിയാണ് സംഭവം. 42കാരനായ മരിയാനസ് കുജൂറിനെയാണ് ഭാര്യയടക്കം മൂന്ന് പേർ ചേർന്ന് കൊലപ്പെടുത്തിയത്. മരിയാനസിൻെറ ഭാര്യയുമായി അവിഹിതബന്ധം പുലർത്തിയ യുവാക്കൾ മറ്റ് സ്ഥലങ്ങളിൽ നിന്നും ഗ്രാമത്തിലെത്തുകയായിരുന്നു. മരിയാനസിനെ കൊലപ്പെടുത്തുന്നതിനിടെ ഇയാൾ ഉറക്കെ നിലവിളിക്കുകയായിരുന്നു. ഇത് കേട്ട് ഓടിയെത്തിയ കുടുംബാംഗങ്ങൾ, ബന്ധുക്കൾ, അയൽവാസികൾ, ഗ്രാമീണർ എന്നിവർ ചേർന്ന് മൂവരെയും കൊല്ലുകയായിരുന്നു. കൊലപാതകത്തിനും ആൾകൂട്ടക്കൊലക്കും വേറെ വേറെ എഫ്.ഐ.ആർ പോലീസ് രജിസ്റ്റർ ചെയ്തു.