കോവിഡ്: സംസ്ഥാനത്ത് 28,802 പേർ ചികിത്സയിൽ; ഇതുവരെ രോഗമുക്തി നേടിയത് 75,848 പേര്
തിരുവനന്തപുരം: കേരളത്തില് ഇന്ന് 2885 പേര്ക്ക് കോവിഡ്-19 സ്ഥിരീകരിച്ചു. ഇവരിൽ 42 പേര് വിദേശ രാജ്യങ്ങളില് നിന്നും 137 പേര് മറ്റ് സംസ്ഥാനങ്ങളില് നിന്നും വന്നതാണ്. 2640 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 287 പേരുടെ സമ്പര്ക്ക ഉറവിടം വ്യക്തമല്ല.
അതേസമയം, രോഗം സ്ഥിരീകരിച്ചു ചികിത്സയിലായിരുന്ന 1944 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം 393, കൊല്ലം 131, പത്തനംതിട്ട 54, ആലപ്പുഴ 146, കോട്ടയം 138, ഇടുക്കി 28, എറണാകുളം 233, തൃശൂര് 135, പാലക്കാട് 39, മലപ്പുറം 201, കോഴിക്കോട് 176, വയനാട് 31, കണ്ണൂര് 135, കാസര്ഗോഡ് 104 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 28,802 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 75,848 പേര് ഇതുവരെ കോവിഡില് നിന്നും മുക്തി നേടി.