ക്വാറന്റൈനിൽ കഴിഞ്ഞിരുന്ന യുവാവിനെ കഴുത്ത് മുറിച്ച് മരിച്ച നിലയിൽ കണ്ടെത്തി
കണ്ണൂർ: ക്വാറന്റൈനിൽ കഴിഞ്ഞിരുന്ന യുവാവിനെ കഴുത്ത് മുറിച്ചു മരിച്ച നിലയില് കണ്ടെത്തി. കുഞ്ഞിമംഗലം കണ്ടന്കുളങ്ങര തീരദേശ റോഡിലെ തൈവളപ്പില് ടി.വി.ശരത്തിനെ(30)യാണ് വീടിനുള്ളിൽ മരിച്ച നിലയില് കണ്ടെത്തിയത്. കുവൈറ്റില് എന്ജിനീയറായി ജോലി ചെയ്തിരുന്ന ശരത്ത് കഴിഞ്ഞ മാസമാണ് നാട്ടിലെത്തിയത്. തുടര്ന്ന് ക്വാറന്റൈനിൽ കഴിയുകയായിരുന്നു.ഇന്നു രാവിലെ വീടിന് സമീപത്തെ ഷെഡില് ഭക്ഷണവുമായെത്തിയ ബന്ധുവാണ് ചോരയിൽ കുളിച്ച നിലയിൽ മൃതദേഹം കണ്ടെത്തിയത്. മൃതദേഹത്തിനടുത്ത് നിന്ന് കത്രിക പൊലീസ് കണ്ടെത്തിയിട്ടുണ്ട്.മാനസിക സമ്മര്ദത്തെ തുടർന്ന് ആത്മഹത്യ ചെയ്തതാണെന്നാണ് സൂചന. മൃതദേഹം പരിയാരത്തെ കണ്ണൂര് ഗവ.മെഡിക്കല് കോളെജിലേക്ക് മാറ്റി. അമ്മ: ശകുന്തള. സഹോദരൻ: ഷാരോൺ.