റെയില്പ്പാത നവീകരണം; ട്രെയിന് ഗതാഗതത്തിനു നിയന്ത്രണം
തിരുവനന്തപുരം: റെയില്പ്പാത നവീകരണ പ്രവൃത്തി നടക്കുന്നതിനാല് എറണാകുളം- അങ്കമാലി, തൃശൂര്-വടക്കാഞ്ചേരി വഴിയുള്ള ട്രെയിന് ഗതാഗതത്തില് നിയന്ത്രണങ്ങളേര്പ്പെടുത്തി. എറണാകുളം- ഗുരുവായൂര് പാസഞ്ചര്, ഗുരുവായൂര് – എറണാകുളം പാസഞ്ചര് ട്രെയിനുകള് 18 മുതല് 20 വരെ റദ്ദാക്കി.ചെന്നൈ എഗ്മോര് – ഗുരുവായൂര് എക്സ്പ്രസ് 18 മുതല് 22 വരെ എറണാകുളം ജംഗ്ഷന് റെയില്വേ സ്റ്റേഷനില് രണ്ടു മണിക്കൂര് നിര്ത്തിയിടും. കോയന്പത്തൂര് -തൃശൂര്, തൃശൂര്- കണ്ണൂര് പാസഞ്ചര് ട്രെയിനുകള് 18 മുതല് 22 വരെ തൃശൂരിനും ഷൊര്ണൂരിനുമിടയില് സര്വീസ് നടത്തില്ല.എറണാകുളം- പൂന എക്സ്പ്രസ് 21-ന് തൃശൂര്/ ഒല്ലൂര് സ്റ്റേഷനുകളില് 40 മിനിറ്റ് നിര്ത്തിയിടും. തിരുവനന്തപുരം സെന്ട്രല് – ഹസ്രത് നിസാമുദീന് സൂപ്പര് ഫാസ്റ്റ് എക്സപ്രസ് 22-ന് തൃശൂര്/ഒല്ലൂര് സ്റ്റേഷനുകളില് 40 മിനിറ്റ് നിര്ത്തിയിടും. കൊച്ചുവേളി-ലോക്മാന്യ തിലക് ടെര്മിനസ് ദ്വൈവാര സൂപ്പര്ഫാസ്റ്റ് എക്സ്പ്രസ് ട്രെയിന് 20-ന് ഒല്ലൂര്/തൃശൂര് സ്റ്റേഷനുകളില് 40 മിനിറ്റ് നിര്ത്തിയിടും.