മാമ്പഴ പുളിശ്ശേരി ഇല്ലാതെ എന്ത് ഓണം..!

ഓണത്തിനാണ് മാമ്പഴ പുളിശ്ശേരി കൂടുതലായി ഉണ്ടാക്കുന്നത്.
മാമ്പഴ പുളിശ്ശേരി എങ്ങനെ
ഉണ്ടാക്കാമെന്ന് നോക്കാം.

ആവശ്യമായ സാധനങ്ങൾ..

പഴുത്ത മാങ്ങ – 5 എണ്ണം
തേങ്ങ തിരുമ്മിയത്‌ – 1 മുറി തേങ്ങ
മുളക് പൊടി – ഒരു ടീ സ്പൂണ്‍
മഞ്ഞള്‍ പൊടി – അര ടീ സ്പൂണ്‍
തൈര് – 200 മില്ലി
ജീരകം – ഒരു നുള്ള്
കറി വേപ്പില – ഒരു തണ്ട്
വെള്ളം – 150 മില്ലി
ഉപ്പ് – പാകത്തിന്
താളിക്കാന്‍ : – കടുക് – അര ടീ സ്പൂണ്‍
വറ്റല്‍ മുളക് – 3 എണ്ണം
ഉലുവ – ഒരു നുള്ള്
കറി വേപ്പില – 2 തണ്ട്
വെളിച്ചെണ്ണ – 3 ടീ സ്പൂണ്‍

തയ്യാറാക്കുന്ന വിധം..

ഒരു പാത്രത്തിൽ പാകത്തിന് ഉപ്പും മഞ്ഞളും മുളകുപൊടിയും വെള്ളവും ഒഴിച്ച് മാമ്പഴം വേവിക്കുക.

തേങ്ങ ജീരകവും കറി വേപ്പിലയും ചേര്‍ത്ത് നന്നായി അരച്ചെടുക്കുക.

മാമ്പഴം വെന്തു കഴിയുമ്പോള്‍ അരപ്പ് ചേര്‍ത്ത് ഇളക്കിയതിനുശേഷം തൈര് ഉടച്ചു ചേര്‍ക്കുക. തിളക്കാന്‍ അനുവദിക്കരുത്. നന്നായി ചൂടാകുമ്പോള്‍ വാങ്ങി വെക്കുക.

ഒരു പാനില്‍ വെളിച്ചെണ്ണ ഒഴിച്ച് കടുക്, കറി വേപ്പില, ഉലുവ, വറ്റല്‍ മുളക് എന്നിവ വറുത്തു കറിയില്‍ ചേര്‍ക്കുക.
മാമ്പഴ പുളിശ്ശേരി തയ്യാറായി .