യുഎഇയില് ചെറിയ പെരുന്നാളിന് അഞ്ച് ദിവസം വരെ അവധി
May 16, 2019, 08:58 IST
അബുദാബി: യുഎഇയില് ചെറിയ പെരുന്നാളിന് (ഈദുല് ഫിത്വര്) അഞ്ച് ദിവസം വരെ അവധി ലഭിക്കും. റമദാന് 29 മുതല് ശവ്വാല് മൂന്ന് വരെയായിരിക്കും അവധിയെന്നാണ് ഔദ്യോഗിക അറിയിപ്പിലുള്ളത്. റമദാനില് 30 ദിവസം ലഭിക്കുകയാണെങ്കില് പൊതു-സ്വകാര്യ മേഖലകള്ക്ക് അഞ്ച് ദിവസം അവധി ലഭിക്കും. റമദാനില് 29 ദിവസം മാത്രമേ ഉണ്ടാകുവെങ്കില് അവധി ദിനങ്ങളുടെ എണ്ണം നാലായി കുറയും. മാസപ്പിറവി ദൃശ്യമാവുന്നതിനെ ആശ്രയിച്ചിരിക്കും അവധി ലഭിക്കുക.