യുവാവിനെ കുത്തിക്കൊന്നു; കായംകുളത്ത് ഇന്ന് സിപിഎം ഹർത്താൽ
ആലപ്പുഴ: ഡിവൈഎഫ്ഐ പ്രവർത്തകന് കുത്തേറ്റു മരിച്ചതിൽ പ്രതിഷേധിച്ച് കായംകുളം നഗരസഭാ പരിധിയിൽ ഇന്ന് സിപിഎം ഹർത്താൽ. എംഎസ്എം സ്കൂളിന് സമീപം താമസിക്കുന്ന വൈദ്യൻ വീട്ടിൽ സിയാദ് ( 36) ആണ് ക്വട്ടേഷൻ സംഘത്തിന്റെ ആക്രമണത്തില് കൊല്ലപ്പെട്ടത്. സിപിഎം എംഎസ്എം ബ്രാഞ്ച് കമ്മിറ്റി അംഗവും ഡിവൈഎഫ്ഐ പ്രവർത്തകനുമായ സിയാദിന്റെ ചൊവ്വാഴ്ച രാത്രി പത്തോടെയാണ് കായംകുളം ഫയർ സ്റ്റേഷന് സമീപത്ത് വച്ച് ആക്രമികൾ വെട്ടിയും കുത്തിയും കൊലപ്പെടുത്തുകയായിരുന്നു. അതേസമയം, നിരവധി ക്രിമിനൽ കേസുകളിൽ പ്രതിയായ കായംകുളം സ്വദേശി മുജീബാണ് കൊലപാതകം നടത്തിയതെന്ന് പോലീസ് പറയുന്നു. പ്രതികൾക്കായി പോലീസ് അന്വേഷണം നടത്തുകയാണ്.