വീട്ടിലെ ചുമര് ഡ്രില്ലിങ് മെഷീന് ഉപയോഗിച്ച് തുരക്കുന്നതിനിടെ ഷോക്കേറ്റ് ഗൃഹനാഥൻ മരിച്ചു
Aug 16, 2020, 12:10 IST
ബാലുശ്ശേരി: ജനല് സ്ഥാപിക്കുന്നതിനായി വീട്ടിലെ ചുമര് ഡ്രില്ലിങ് മെഷീന് ഉപയോഗിച്ച് തുരക്കുന്നതിനിടെ ഷോക്കേറ്റ് ഗൃഹനാഥൻ മരിച്ചു. കിനാലൂര് കളരിക്കണ്ടിപ്പൊയില് ചൂരക്കണ്ടി അനില് കുമാറാണ് (52) ആണ് മരിച്ചത്. വീട്ടിലെ ഇരുമ്പ് കോണിയില് ചവിട്ടിനിന്ന് ഡ്രില്ലിങ് നടത്തവേ ചുമരിനുള്ളിലുണ്ടായിരുന്ന വൈദ്യുതി വയര് മുറിഞ്ഞ് ഷോക്കേല്ക്കുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും വഴിമധ്യേ മരണം സംഭവിക്കുകയായിരുന്നു.