Nature

പാലക്കാട് കോവിഡ് ബാധിച്ച് ചികിത്സയിലിരുന്ന ആദിവാസി സ്ത്രീ മരിച്ചു

പാലക്കാട്: കോവിഡ് ബാധിച്ച് ചികിത്സയിലായിരുന്ന അട്ടപ്പാടി സ്വദേശിനിയായ ആദിവാസി സ്ത്രീ മരിച്ചു. കൊളപ്പടിക ആദിവാസി ഊരിലെ മരുതി(73)യാണ് മരിച്ചത്. മഞ്ചേരി മെഡിക്കൽ കോളേജിൽ ചികിത്സയിലായിരുന്ന മരുതിയ്ക്ക് ഇന്നലെയാണ് കോവിഡ് സ്ഥിരീകരിച്ചത്.

ആഗസ്റ്റ് ഏഴിന് മരുതിയെ രക്തസമ്മർദ്ദത്തെ തുടർന്ന് പെരിന്തൽമണ്ണ ഇഎംഎസ് ആശുപത്രിയിൽ പ്രവേശിപ്പിച്ചിരുന്നു. അവിടെ നടത്തിയ ട്രൂനാറ്റ് പരിശോധനയിൽ ആദ്യം പോസിറ്റീവും പിന്നീട് നെഗറ്റീവുമായിരുന്നു ഫലം. തുടർന്ന് മഞ്ചേരി മെഡിക്കൽ കോളേജിലേക്ക് മാറ്റി. അവിടെ നടത്തിയ പരിശോധനയിൽ ഇന്നലെ പോസിറ്റീവ് ആകുകയായിരുന്നു.

മരുതിക്ക് കോവിഡ് സ്ഥിരീകരിച്ചതോടെ കൊളപ്പടികയിലെ ഊരു നിവാസികൾ സ്വയം നിരീക്ഷണത്തിൽ കഴിയുകയാണ്. കഴിഞ്ഞ ദിവസം ഇവിടെ ആന്റിജൻ പരിശോധന നടത്തിയെങ്കിലും മറ്റാർക്കും പോസിറ്റീവ് സ്ഥിരീകരിച്ചിട്ടില്ലെന്ന് ആരോഗ്യ വകുപ്പ് അട്ടപ്പാടി നോഡൽ ഓഫീസർ ഡോ. പ്രഭുദാസ് പറഞ്ഞു.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.