ചൂര്ണിക്കര വ്യാജരേഖ കേസ്; കേസ് രജിസ്റ്റര് ചെയ്യാന് വിജിലന്സ് ഡയറക്ടര് ഉത്തരവിട്ടു
തിരുവനന്തപുരം: ചൂര്ണിക്കര വ്യാജരേഖ കേസില് വിജിലന്സ് പ്രാഥമിക റിപ്പോര്ട്ട് സമര്പ്പിച്ചു. വ്യാപക ക്രമക്കേട് സംഭവിച്ചിട്ടുണ്ടെന്നും കേസ് രജിസ്റ്റര് ചെയ്യാനും വിജിലന്സ് ഡയറക്ടര് ഉത്തരവിട്ടു. ഐജി വെങ്കിടേഷിന്റെ നേതൃത്വത്തില് കേസ് അന്വേഷിക്കും.
എറണാകുളം ചൂര്ണിക്കര വില്ലേജിലെ ആലുവ ദേശീയ പാതയില് മുട്ടം തൈക്കാവിനോട് ചേര്ന്ന് നില്ക്കുന്ന അരയേക്കര് ഭൂമിയില് 25 സെന്റ് നിലം നികത്താനായാണ് ലാന്ഡ് റവന്യൂ കമ്മീഷണറുടെയും ആര്ഡിഒയുടെയും പേരില് വ്യാജ ഉത്തരവിറക്കിയത്. വില്ലേജ് ഓഫീസറുടെ ഇടപെടലിനെ തുടര്ന്നാണ് സംഭവം പുറത്തറിഞ്ഞത്.