Nature

കണ്ണൂർ ജില്ലയില്‍ 27 പേര്‍ക്ക് കൂടി കോവിഡ്;21 പേര്‍ക്ക് സമ്പര്‍ക്കത്തിലൂടെൽ

കണ്ണൂർ: ജില്ലയില്‍ 27 പേര്‍ക്ക് വ്യാഴാഴ്ച രോഗം സ്ഥിരീകരിച്ചു. 21 പേര്‍ക്ക് സമ്പര്‍ക്കം മൂലമാണ് രോഗബാധ. ഒരാള്‍ വിദേശത്ത് നിന്നും നാലു പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. ഒരു ആരോഗ്യ പ്രവര്‍ത്തകര്‍ക്കും പുതുതായി രോഗം സ്ഥിരീകരിച്ചു.

സമ്പര്‍ക്കം
തളിപ്പറമ്പ കീഴാറ്റൂര്‍ സ്വദേശികളായ 52കാരന്‍, 25കാരി, മൂന്നു വയസ്സുകാരന്‍, 48കാരി, ചെങ്ങളായി സ്വദേശി 45കാരി, ഇരിട്ടി പുന്നാട് സ്വദേശി 30കാരന്‍, ചിറക്കല്‍ 23കാരന്‍, കടന്നപ്പള്ളി പാണപ്പുഴ സ്വദേശി 10 വയസ്സുകാരി, കല്ല്യാശ്ശേരി അഞ്ചാംപീടിക സ്വദേശികളായ 34കാരി, 34കാരന്‍, 35കാരി, 21കാരന്‍, 35കാരന്‍, 15കാരന്‍, 32കാരന്‍, 45കാരന്‍, ഉദയഗിരി സ്വദേശി 26കാരന്‍, കരിവെള്ളൂര്‍ പെരളം സ്വദേശി 41കാരന്‍, പാപ്പിനിശ്ശേരി സ്വദേശികളായ 45കാരി, 52കാരന്‍, പട്ടുവം സ്വദേശി 48കാരന്‍ എന്നിവര്‍ക്കാണ് സമ്പര്‍ക്കത്തിലൂടെ രോഗബാധയുണ്ടായത്.

പുറമെ നിന്ന്
നെടുമ്പാശ്ശേരി വിമാനത്താവളം വഴി ജൂലൈ 26ന് ജൊഹാനസ്ബര്‍ഗില്‍ നിന്ന് ഇടി 8640 വിമാനത്തിലെത്തിയ നടുവില്‍ സ്വദേശി 40കാരന്‍, കണ്ണൂര്‍ വിമാനത്താവളം വഴി ആഗസ്ത് ഒന്നിന് മേഘാലയയില്‍ നിന്ന് ബെംഗളൂരു വഴി 6ഇ 105 വിമാനത്തിലെത്തിയ ശ്രീകണ്ഠാപുരം എള്ളരഞ്ഞി സ്വദേശി 37കാരന്‍, ആഗസ്ത് 11ന് റാഞ്ചിയില്‍ നിന്ന് ബെംഗളൂരു വഴി 6ഇ 7138 വിമാനത്തിലെത്തിയ പടിയൂര്‍ സ്വദേശി 32കാരന്‍, ആഗസ്ത് 4ന് ബെംഗളൂരുവില്‍ നിന്ന് എത്തിയ പന്ന്യന്നൂര്‍ സ്വദേശി 47കാരന്‍, ആഗസ്ത് 11ന് കോയമ്പത്തൂരില്‍ നിന്ന് എത്തിയ പന്ന്യന്നൂര്‍ സ്വദേശി 38കാരന്‍ എന്നിവരാണ് പുറമെ നിന്ന് എത്തിയവര്‍.

ആരോഗ്യ വ്രവര്‍ത്തക
ജില്ലാ ആശുപത്രിയിലെ സ്റ്റാഫ് നഴ്സ് നടുവില്‍ സ്വദേശി (നിലവില്‍ താമസം കക്കാട്) 35കാരിയാണ് പുതുതായി കൊവിഡ് സ്ഥിരീകരിച്ച ആരോഗ്യപ്രവര്‍ത്തക.

24 രോഗമുക്തി കൂടി
ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകളുടെ എണ്ണം 1832 ആയി. ഇവരില്‍ ഇന്ന് രോഗമുക്തി നേടിയ 24 പേരുള്‍പ്പെടെ 1386 പേര്‍ ആശുപത്രി വിട്ടു. 10 പേര്‍ കൊവിഡ് ബാധിച്ചും നാലു പേര്‍ കൊവിഡ് ഇതര കാരണങ്ങളാലും മരണപ്പെട്ടു. ബാക്കി 430 പേര്‍ ആശുപത്രികളില്‍ ചികില്‍സയിലാണ്.

നിരീക്ഷണം
കൊവിഡ് 19മായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 9064 പേരാണ്. ഇവരില്‍ അഞ്ചരക്കണ്ടി കോവിഡ് ട്രീറ്റ്മെന്റ് സെന്ററില്‍ 74 പേരും കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 132 പേരും തലശ്ശേരി ജനറല്‍ ആശുപത്രിയില്‍ 16 പേരും കണ്ണൂര്‍ ജില്ലാ ആശുപത്രിയില്‍ 29 പേരും കണ്ണൂര്‍ ആര്‍മി ഹോസ്പിറ്റലില്‍ 11 പേരും കണ്ണൂര്‍ ആസ്റ്റര്‍ മിംസ് ആശുപത്രിയില്‍ ഏഴ് പേരും ഏഴിമല നാവിക സേനാ ആശുപത്രിയില്‍ രണ്ടു പേരും ഫസ്റ്റ് ലൈന്‍ കോവിഡ് ട്രീറ്റ്‌മെന്റ് സെന്ററുകളില്‍ 131 പേരും ഇന്ദിരാഗാന്ധി സഹകരണ ആശുപത്രി തലശ്ശേരിയില്‍ ഒരാളും വീടുകളില്‍ 8661 പേരുമാണ് നിരീക്ഷണത്തിലുള്ളത്.

പരിശോധന
ജില്ലയില്‍ നിന്ന് ഇതുവരെ 41353 സാംപിളുകള്‍ പരിശോധനയ്ക്ക് അയച്ചതില്‍ 40582 എണ്ണത്തിന്റെ ഫലം വന്നു. 771 എണ്ണത്തിന്റെ ഫലം ലഭിക്കാനുണ്ട്.

കൊവിഡ്: ജില്ലയില്‍ 24 പേര്‍ക്കു കൂടി രോഗമുക്തി
കൊവിഡ് 19 ബാധിച്ച് ആശുപത്രികളിലും ഫസ്റ്റ്ലൈന്‍ കൊവിഡ് ട്രീറ്റ്മെന്റ് സെന്ററുകളിലും ചികിത്സയിലായിരുന്ന 24 പേര്‍ കൂടി വ്യാഴാഴ്ച രോഗം ഭേദമായി ആശുപത്രി വിട്ടു. ഇതോടെ ജില്ലയിലെ കൊവിഡ് ബാധിതരില്‍ രോഗമുക്തി നേടിയവരുടെ എണ്ണം 1386 ആയി. 10 പേര്‍ കൊവിഡ് ബാധിച്ചും നാലു പേര്‍ കൊവിഡ് ഇതര കാരണങ്ങളാലും മരണപ്പെട്ടു. ബാക്കി 430 പേര്‍ വിവിധ ആശുപത്രികളില്‍ ചികിത്സയിലാണ്.

കോളയാട് സ്വദേശികളായ 46കാരന്‍, 40കാരി, 45കാരി, 36കാരി, ഇരിക്കൂര്‍ സ്വദേശി 26കാരന്‍, കണ്ണൂര്‍ കോര്‍പറേഷന്‍ സ്വദേശികളായ 36കാരന്‍, 45കാരി, ചപ്പാരപ്പടവ് സ്വദേശി 30കാരന്‍ എന്നിവര്‍ സെഡ് പ്ലസ് സിഎഫ്എല്‍ടിസിയില്‍ നിന്നാണ് രോഗമുക്തി നേടിയത്.

കീഴല്ലൂര്‍ സ്വദേശി 18കാരന്‍, ഇരിക്കൂര്‍ സ്വദേശികളായ 44കാരന്‍, 49കാരന്‍, കുന്നോത്തുപറമ്പ് സ്വദേശി 44കാരന്‍, പയ്യന്നൂര്‍ സ്വദേശി 35കാരന്‍ എന്നിവര്‍ അഞ്ചരക്കണ്ടി കോവിഡ് ട്രീറ്റ്‌മെന്റ് സെന്ററില്‍ നിന്നും തലശ്ശേരി സ്വദേശി മൂന്ന് വയസ്സുകാരി, കുന്നോത്തുപറമ്പ് സ്വദേശി 53കാരന്‍, കോട്ടയം മലബാര്‍ സ്വദേശി 47കാരി എന്നിവര്‍ തലശ്ശേരി ഗവ. ആശുപത്രിയില്‍ നിന്നും കടമ്പൂര്‍ സ്വദേശി 30കാരന്‍, മുണ്ടേരി സ്വദേശി 23കാരന്‍, ചെമ്പിലോട് സ്വദേശി 72കാരന്‍ എന്നിവര്‍ സ്‌പോര്‍ട്‌സ് ഹോസ്റ്റല്‍ സിഎഫ്എല്‍ടിസിയില്‍ നിന്നും രോഗമുക്തി നേടി.

കണ്ണൂര്‍ ആസ്റ്റര്‍ മിംസില്‍ ചികിത്സയിലായിരുന്ന പയ്യാവൂര്‍ സ്വദേശി 30കാരി, ശ്രീകണ്ഠാപുരം സ്വദേശി 33കാരി, അയ്യന്‍കുന്ന് സ്വദേശി 72കാരന്‍, കണ്ണൂര്‍ ഗവ. മെഡിക്കല്‍ കോളേജില്‍ ചികിത്സയിലായിരുന്ന മുണ്ടേരി സ്വദേശി 47കാരന്‍, കോഴിക്കോട് (പരിയാരം) സ്വദേശി 50കാരി എന്നിവരാണ് രോഗം ഭേദമായ മറ്റുള്ളവര്‍.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.