തൃശ്ശൂർ ജില്ലയിൽ 19 പേർക്ക് കൂടി കോവിഡ്; 55 പേർക്ക് രോഗമുക്തി

തൃശ്ശൂർ: ജില്ലയിൽ ബുധനാഴ്ച 19 പേർക്ക് കൂടി കോവിഡ് സ്ഥിരീകരിച്ചു. 55 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 445 ആണ്. തൃശൂർ സ്വദേശികളായ 10 പേർ മറ്റു ജില്ലകളിൽ ചികിത്സയിൽ കഴിയുന്നു. ഇതുവരെ രോഗം സ്ഥിരീകരിച്ചവരുടെ എണ്ണം 2120 ആയി. ഇതുവരെ രോഗമുക്തരായവരുടെ എണ്ണം 1661 ആണ്.

സമ്പർക്കരോഗബാധിതർ 16 ആണ്. അബുദാബിയിൽ നിന്ന് തിരിച്ചെത്തിയ ഒരാളും ഇതരസംസ്ഥാനങ്ങളിൽ നിന്ന് തിരിച്ചെത്തിയ 2 പേരും കോവിഡ് ബാധിതരായി. അമല ആശുപത്രിയിലെ 2 പേർ ഉൾപ്പെടെ 3 ആരോഗ്യപ്രവർത്തകർ രോഗബാധിതരായി. ചാലക്കുടി, കെഎസ്ഇ ക്ലസ്റ്ററുകളിൽ നിന്ന് ഓരോരുത്തർ രോഗബാധിതരായി. രോഗഉറവിടമറിയാത്ത 4 പേരുണ്ട്. മറ്റ് സമ്പർക്കം വഴി പോസിറ്റീവ് ആയവർ 7 പേരാണ്.

രോഗം സ്ഥീരികരിച്ച് തൃശൂർ ഗവ. മെഡിക്കൽ കോളജിലും മറ്റ് ആശുപത്രികളിലും കോവിഡ് ഫസ്റ്റ് ലൈൻ ട്രീറ്റ്‌മെൻറ് സെൻററുകളിലുമായി കഴിയുന്നവർ. ബുധനാഴ്ചയിലെ കണക്ക്:
ഗവ. മെഡിക്കൽ കോളേജ് ത്യശ്ശൂർ – 67, സി.എഫ്.എൽ.ടി.സി ഇ.എസ്.ഐ -നെഞ്ചുരോഗാശുപത്രി മുളങ്കുന്നത്തുകാവ്- 24, എം. സി. സി. എച്ച്. മുളങ്കുന്നത്തുകാവ്-07, ജി.എച്ച് ത്യശ്ശൂർ-11, കൊടുങ്ങലൂർ താലൂക്ക് ആശുപത്രി – 26, കില ബ്ലോക്ക് 1 ത്യശ്ശൂർ-61, കില ബ്ലോക്ക് 2 ത്യശ്ശൂർ- 53, വിദ്യ സി.എഫ്.എൽ.ടി.സി വേലൂർ-97, എം.എം.എം കോവിഡ് കെയർ സെന്റർ ത്യശ്ശൂർ – 18, ചാവക്കാട് താലൂക്ക് ആശുപത്രി -8, ചാലക്കുടി താലൂക്ക് ആശുപത്രി -3, സി.എഫ്.എൽ.ടി.സി കൊരട്ടി – 26, കുന്നംകുളം താലൂക്ക് ആശുപത്രി -9, ജി.എച്ച് . ഇരിങ്ങാലക്കുട – 10, ഡി.എച്ച്. വടക്കാഞ്ചേരി – 0, സെന്റ് ജെയിംസ് ചാലക്കുടി- 1, അമല ത്യശ്ശൂർ – 1, ഹോം ഐസോലേഷൻ – 4.

നിരീക്ഷണത്തിൽ കഴിയുന്ന 9704 പേരിൽ 9228 പേർ വീടുകളിലും 476 പേർ ആശുപത്രികളിലുമാണ്. കോവിഡ് സംശയിച്ച് 57 പേരേയാണ് ബുധനാഴ്ച ആശുപത്രിയിൽ പുതിയതായി പ്രവേശിപ്പിച്ചിട്ടുള്ളത്. 531 പേരെ ബുധനാഴ്ച നിരീക്ഷണത്തിൽ പുതിയതായി ചേർത്തു. 535 പേരെ നിരീക്ഷണ കാലഘട്ടം അവസാനിച്ചതിനെ തുടർന്ന് നിരീക്ഷണ പട്ടികയിൽ നിന്നും ഒഴിവാക്കി.
ബുധനാഴ്ച 1194 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ ആകെ 50468 സാമ്പിളുകളാണ് പരിശോധനയ്ക്ക് അയച്ചിട്ടുളളത്. ഇതിൽ 49698 സാമ്പിളുകളുടെ പരിശോധന ഫലം വന്നിട്ടുണ്ട്. ഇനി 770 സാമ്പിളുകളുടെ പരിശോധന ഫലം ലഭിക്കാനുണ്ട്. സെന്റിനൽ സർവ്വൈലൻസിന്റെ ഭാഗമായി 11299 പേരുടെ സാമ്പിളുകൾ ഇതുവരെ കൂടുതലായി പരിശോധനയ്ക്ക് അയച്ചിട്ടുണ്ട്.

ബുധനാഴ്ച 449 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നിട്ടുളളത്. 91 പേർക്ക് സൈക്കോ സോഷ്യൽ കൗൺസിലർമാർ വഴി കൗൺസിലിംഗ് നൽകി.
ബുധനാഴ്ച റെയിൽവേ സ്റ്റേഷനുകളിലും ബസ് സ്റ്റാൻഡുകളിലുമായി 282 പേരെ ആകെ സ്‌ക്രീൻ ചെയ്തിട്ടുണ്ട്.

ജില്ലയിലെ പോസിറ്റീവ് കേസുകൾ
1. ചാലക്കുടി ക്ലസ്റ്റർ- കൊരട്ടി – 43 പുരുഷൻ.
2. അമല ആശുപത്രി- ആരോഗ്യ പ്രവർത്തക -അവണ്ണൂർ – 27 സ്ത്രീ.
3. അമല ആശുപത്രി- ആരോഗ്യ പ്രവർത്തക -കൈപ്പറമ്പ് – 29 സ്ത്രീ.
4. ആരോഗ്യ പ്രവർത്തക -കണ്ടാണശ്ശേരി – 50 സ്ത്രീ.
5. സമ്പർക്കം-കൈപ്പമംഗലം – 1 ആൺകുട്ടി.
6. സമ്പർക്കം- മുരിയാട് – 28 പുരുഷൻ.
7. സമ്പർക്കം -കൈപ്പമംഗലം – 2 മാസം പെൺകുട്ടി.
8. സമ്പർക്കം-കൈപ്പറമ്പ് – 4 ആൺകുട്ടി.
9. സമ്പർക്കം -കൈപ്പമംഗലം – 8 പെൺകുട്ടി.
10. സമ്പർക്കം- തിരുവില്വാമല – 26 പുരുഷൻ.
11. സമ്പർക്കം- അഷ്ടമിചിറ- 22 സ്ത്രീ.
12. കെ.എസ്.ഇ ക്ലസ്റ്റർ- പുത്തൻച്ചിറ – 50 സ്ത്രീ.
13. അബുദാബിയിൽ നിന്ന് വന്ന എസ്.എൻ പുരം സ്വദേശി – 52 പുരുഷൻ.
14. ബീഹാറിൽ നിന്ന് വന്ന 33 പുരുഷൻ.
15. ബാംഗ്ലൂരിൽ നിന്ന് വന്ന വെളളാങ്കല്ലൂർ സ്വദേശി – 42 പുരുഷൻ.
16. ഉറവിടമറിയാത്ത വെളളാങ്കല്ലൂർ സ്വദേശി – 49 പുരുഷൻ.
17. ഉറവിടമറിയാത്ത പറപ്പൂകര സ്വദേശി – 20 പുരുഷൻ.
18. ഉറവിടമറിയാത്ത ത്യശ്ശൂർ കോർപ്പറേഷൻ സ്വദേശി – 48 സ്ത്രീ.
19. ഉറവിടമറിയാത്ത എരുമപ്പെട്ടി സ്വദേശി – 42 പുരുഷൻ.

കണ്ടെയ്ൻമെന്റ് സോണുകൾ
പുതിയ കണ്ടെയ്ൻമെന്റ് സോണുകൾ: കൊരട്ടി ഗ്രാമപഞ്ചായത്ത് 1, 19 വാർഡുകൾ, പാണഞ്ചേരി 7, 8 വാർഡുകൾ മുഴുവനായും 6-ാം വാർഡ് ഭാഗികമായും (കുതിരാൻ മുതൽ കിഴക്കോട്ട്), കൈപ്പറമ്പ് ഗ്രാമപഞ്ചായത്ത് വാർഡ് 4, ചാലക്കുടി നഗരസഭ ഡിവിഷൻ 19, തൃശൂർ കോർപ്പറേഷൻ ഡിവിഷൻ 50.

കണ്ടെയ്ൻമെന്റ് സോണിൽ നിന്ന് ഒഴിവാക്കിയ പ്രദേശങ്ങൾ:

കുഴൂർ ഗ്രാമപഞ്ചായത്ത് വാർഡ് 6, കൊടകര വാർഡ് 15, താന്ന്യം വാർഡ് 18, മുളങ്കുന്നത്തുകാവ് വാർഡ് 11, കാട്ടാകാമ്പാൽ വാർഡ് 11, ഇരിങ്ങാലക്കുട നഗരസഭ 9, 10, 12, 34, 36 ഡിവിഷനുകൾ, വടക്കാഞ്ചേരി നഗരസഭ ഡിവിഷൻ 16.