മോദിയുടെ പക്കോഡ പരാമര്‍ശം; കോളേജ് വിദ്യാര്‍ഥികള്‍ മോദിയുടെ വേദിക്കു സമീപം പക്കോഡ വിറ്റു പ്രതിഷേധിച്ചു
May 15, 2019, 11:10 IST
ചണ്ഡീഗഡ്: ലോക്സഭാ തെരഞ്ഞെടുപ്പ് അവസാന ഘട്ടത്തിലെത്തിനില്‍ക്കുമ്ബോള്‍ പ്രചരണ ചൂടിലാണ് മുന്നണികള്‍. ഏറ്റവുംകൂടുതല്‍ വോട്ടര്‍മാരെ ചുരുങ്ങിയ സമയംകൊണ്ട് കാണാനുള്ള ശ്രമത്തിലാണ് നേതാക്കള്‍. ചണ്ഡിഗഡിലായിരുന്നു കഴിഞ്ഞ ദിവസം പ്രധാനമന്ത്രി നരേന്ദ്രമോദിയുടെ പ്രചരണ പരിപാടി.
മോദിയുടെ പക്കോഡ പരാമര്‍ശത്തില്‍ പ്രതിഷേധിച്ച്‌ കോളേജ് വിദ്യാര്‍ഥികള്‍ മോദിയുടെ വേദിക്കു സമീപം പക്കോഡ വിറ്റു പ്രതിഷേധിച്ചു. ‘മോദി പക്കോഡ’ എന്ന പേരില്‍ പക്കോഡ വിറ്റ 12 വിദ്യാര്‍ഥികളെ പോലീസ് അറസ്റ്റ് ചെയ്തു.