സഹോദരനെ വെട്ടി പരിക്കേല്പ്പിച്ച കേസില് യുവാവിനെതിരേ കേസെടുത്തു
മുള്ളേരിയ: മദ്യ ലഹരിയില് സഹോദരനെ ആക്രമിച്ച യുവാവിനെതിരെ കേസെടുത്തു.ഈ മാസം പത്തിനാണ് കേസിനാസ്പദമായ സംഭവം നടന്നത്. ആക്രമണത്തില് പരിക്കേറ്റ ജഗനാദയെ ആശുപത്രിയില് പ്രവേശിപ്പിച്ചിരിക്കുകയാണ്. സംഭവത്തില് ഇയാളുടെ അനുജന് ബാലകൃഷ്ണനെതിരെയാണ് ആദൂര് പോലീസ് കേസെടുത്തത്.
ജഗന്നാഥയുടെ വീട്ടുമുറ്റത്തെ മരംവെട്ടാന് തൊഴിലാളിയായ ബാലകൃഷ്ണനോട് ആവശ്യപ്പെട്ടിരുന്നു. എന്നാല് ഇപ്പോള് ജോലിത്തിരക്കാണെന്നും പിന്നീട് മുറിക്കാമെന്നും ബാലകൃഷ്ണന് മറുപടി പറഞ്ഞു. എങ്കില് താന് മറ്റാരെകൊണ്ടെങ്കിലും മുറിപ്പിച്ചോളാമെന്ന് ജഗന്നാഥ പറഞ്ഞു.ഇതില് പ്രകോപിതനായ പ്രതി വൈകുന്നേരം മദ്യലഹരിയിലെത്തി വാക്കുതര്ക്കമുണ്ടാകുകയും ഇതിനിടയില് കൈയിലുണ്ടായിരുന്ന മരം മുറിക്കാനുപയോഗിക്കുന്ന ബ്ലെയ്ഡ്കൊണ്ട് ജഗന്നാഥയുടെ ശരീരത്തില് വെട്ടി പരിക്കേല്പ്പിക്കുകയുമായിരുന്നു.