നരേന്ദ്ര മോദിയുടെ പൊങ്ങച്ചത്തിനെ പരിഹസിച്ച് കോണ്ഗ്രസ് അധ്യക്ഷന് രാഹുല് ഗാന്ധി രംഗത്ത്
നീമച്ച്: ബാലക്കോട്ട് ഇന്ത്യന് സൈന്യം നടത്തിയ വ്യോമാക്രമണത്തില് റഡാറുകള് മറയ്ക്കാന് മേഘങ്ങള്ക്ക് കഴിയുമെന്ന് താന് സൈന്യത്തെ ഉപദേശിച്ചെന്ന പ്രധാനമന്ത്രി നരേന്ദ്ര മോദിയുടെ പൊങ്ങച്ചത്തിനെ പരിഹസിച്ച് കോണ്ഗ്രസ് അധ്യക്ഷന് രാഹുല് ഗാന്ധി രംഗത്ത്.
ഇന്ത്യയില് മഴ പെയ്യുന്പോള് റഡാറില്നിന്ന് വിമാനം അപ്രത്യക്ഷമാകുമോയെന്ന് മോദി വ്യക്തമാക്കണമെന്ന് രാഹുല് ആവശ്യപ്പെട്ടു. മ ധ്യപ്രദേശിലെ നീമിച്ചില് തെരഞ്ഞെടുപ്പ് റാലിയില് സംസാരിക്കവെയാണ് രാഹുലിന്റെ രൂക്ഷ പരിഹാസം. തെരഞ്ഞടുപ്പ് വേളയില് നരേന്ദ്ര മോദി ബോളിവുഡ് നടന് അക്ഷയ് കുമാറിന് നല്കിയ അഭിമുഖത്തെയും രാഹുല് പരിഹസിച്ചു.
‘കുട്ടിക്കാലത്ത് മാങ്ങ തിന്നതുള്പ്പെടെ രാഷ്ട്രീയത്തിനപ്പുറമുള്ള നിരവധി കാര്യങ്ങള് നിങ്ങള് അവിടെ സംസാരിച്ചപ്പോള് തൊഴിലില്ലാത്ത യുവാക്കള്ക്കുവേണ്ടി എന്തു ചെയ്തുവെന്ന് മാത്രം നിങ്ങള് പറഞ്ഞില്ല.. അതേക്കുറിച്ച് മാത്രമാണ് ഞങ്ങള് നിങ്ങളോട് ആവര്ത്തിച്ച് ചോദിച്ചു കൊണ്ടിരിക്കുന്നതെന്നും രാഹുല് കൂട്ടിച്ചേര്ത്തു .