പൊതുറോഡുകളിൽ കുഴി; മുന്നറിയിപ്പു ബോർഡുകൾ സ്ഥാപിക്കണമെന്ന് ഹൈക്കോടതി
May 13, 2019, 23:34 IST
കൊച്ചി: പൊതുറോഡുകളിൽ കുഴികളുണ്ടെങ്കിൽ അപകടസാധ്യത വ്യക്തമാക്കി മുന്നറിയിപ്പു ബോർഡുകൾ സ്ഥാപിക്കണമെന്ന് ഹൈക്കോടതി.യാതൊരുവിധ മുൻകരുതലുകളുമെടുക്കാതെ അപകടങ്ങൾ സംഭവിച്ചാൽ അപകടങ്ങളിൽ പരിക്കേൽക്കുന്നവർക്ക് നഷ്ടപരിഹാരം നൽകാൻ സർക്കാരിനു ബാധ്യതയുണ്ടെന്നും ഹൈക്കോടതി ഉത്തരവിട്ടു. പൊതുറോഡുകൾ നന്നായി പരിപാലിക്കാൻ സർക്കാരിനും പൊതുമരാമത്ത് വകുപ്പിനും ഉത്തരവാദിത്വമുണ്ടെന്നും കോടതി വ്യക്തമാക്കി.