ബസ് യാത്രയ്ക്കിടയില് യുവതിയോട് അപമര്യാദയായി പെരുമാറിയ യുവാവിനെതിരേ കേസെടുത്തു
കൊച്ചി: യുവതിയോട് അപമര്യാദയായി പെരുമാറിയ സംഭവത്തില് യുവാവിനെ അറസ്റ്റ് ചെയ്തു. പൂച്ചാക്കല് സ്വദേശി ഹരിലാല് (22) നെയാണ് സെന്ട്രല് പോലീസ് കസ്റ്റഡിയില് എടുത്തത്. മറൈന്ഡ്രൈവില് വച്ചാണ് കേസിനാസ്പദമായ സംഭവം നടന്നത്. സ്വകാര്യ ബസില് യാത്ര ചെയ്യുന്നതിനിടയിലാണ് ഇയാള് യുവതിയോട് മോശമായി പെരുമാറിയത്.
യുവതി ഇതിനെതിരേ പ്രതികരിക്കുന്നത് ശ്രദ്ധയില്പെട്ട കണ്ടെക്ടര് ബസ് സെന്ട്രല് സ്റ്റേഷനിലേക്ക് വിടാന് നിര്ദേശിക്കുകയായിരുന്നു. എന്നാല് പ്രതിക്കെതിരേ പരാതി നല്കാന് യുവതിയും വിവരമറിഞ്ഞെത്തിയ യുവതിയുടെ മാതാവും തയ്യാറായില്ല. ഇതേത്തുടര്ന്ന് സംഭവത്തില് ഹരിലാലിനെതിരേ സെന്ട്രല് പോലീസ് സ്വമേധയാ കേസ് രജിസ്റ്റര് ചെയ്തത് കസ്റ്റഡിയിലെടുക്കുകയായിരുന്നു.