Nature

മല്ലിപ്പൊടി നൽകും ആരോഗ്യം

ഇന്ത്യയില്‍ കൃഷി ചെയ്യുന്ന മറ്റ് സുഗന്ധ സസ്യങ്ങളേപ്പോലെ വര്‍ഷം മുഴുവനും ലഭ്യമാകുന്ന ഒരിനമാണ് മല്ലി. ഇത് ഉണങ്ങി പൊടിച്ചാണ് സാധാരണ ഉപയോഗിക്കുന്നത്. മല്ലിയുടെ പോഷകഘടകങ്ങളെ അപഗ്രഥിക്കുമ്പോള്‍ അതില്‍ 8 ശതമാനം നാരുകളും, 2.9 ശതമാനം കാല്‍സ്യവും അടങ്ങിയിട്ടുള്ളതായി കാണാം. അതിനാല്‍ തന്നെ മല്ലി ആരോഗ്യസമ്പുഷ്ടവുമാണ്. പോഷകങ്ങളുടെ മികച്ച ഒരു ഉറവിടമായാ​ണ് മല്ലിയെ പരിഗണിക്കുന്നത്. രോഗശമനത്തിനും മല്ലി ഫലപ്രദമാണ്. യൂറോപ്പിന്‍റെ പല ഭാഗങ്ങളിലും ആന്‍റി-ഡയബറ്റിക് അഥവാ പ്രമേഹ വിരുദ്ധ സസ്യമായി മല്ലിയെ പരിഗണിക്കുന്നു. മല്ലിയുടെ ചില പ്രധാന ആരോഗ്യഗുണങ്ങളാണ് ഇവിടെ പരിചയപ്പെടുത്തുന്നത്.

സാല്‍മൊണെല്ല പ്രതിരോധം
ദോഷകരമായ സാല്‍മൊണെല്ല ബാക്ടീരിയയെ ചെറുക്കാന്‍ മല്ലിക്ക് കഴിവുണ്ട്. സാല്‍മൊണല്ല ഭക്ഷണത്തിലൂടെ ബാധിക്കുന്ന ബാക്ടീരിയയാ​ണ്. ഇതിനെ തടയാന്‍ മല്ലിപ്പൊടി പോലുള്ള മസാലകള്‍ ചേര്‍ത്ത് ഭക്ഷണം തയ്യാറാക്കാം.

ഔഷധഗുണം
ഏറെ സസ്യപോഷകങ്ങളടങ്ങിയതാണ് മല്ലി. ലിനാലൂല്‍, ബോര്‍നിയോള്‍, കാര്‍വോണ്‍, എപിജെനിന്‍, കാംഫര്‍, തുടങ്ങിയ ഫൈറ്റോന്യൂട്രിയന്‍റ്സ് അഥവാ സസ്യപോഷകങ്ങളാല്‍ മല്ലി സമ്പന്നമാണ്.

പകര്‍ച്ചവ്യാധികള്‍
ആളുകളിലേക്ക് എളുപ്പം പടരുന്ന വസൂരി പോലുള്ള രോഗങ്ങള്‍ക്ക് പ്രതിവിധിയായി മല്ലി ഉപയോഗിക്കാം. അണുക്കളെ കൊല്ലാനുള്ള മല്ലിപ്പൊടിയുടെ കഴിവ് ഇത്തരം പകര്‍ച്ചവ്യാധികളെ തടയാന്‍ സഹായിക്കും.

ആര്‍ത്തവ പ്രശ്നങ്ങള്‍
സുഗന്ധവ്യഞ്ജനങ്ങളില്‍ ആരോഗ്യപ്രദമായ ഏറെ അനുകൂല ഘടകങ്ങള്‍ അടങ്ങിയിരിക്കുന്നു. മല്ലിയുടെ ഇത്തരത്തിലുള്ള കഴിവുകളിലൊന്നാണ് ആര്‍ത്തവ പ്രശ്നങ്ങളുടെ പരിഹാരം. ആര്‍ത്തവ സമയത്തെ അമിതമായ രക്തസ്രാവം തടയാന്‍ ചൂടുവെള്ളത്തില്‍ മല്ലിപ്പൊടി ചേര്‍ത്ത് കഴിക്കുകയോ, മല്ലി നേരിട്ട് ചൂട് വെള്ളത്തില്‍ ചേര്‍ത്ത് കഴിക്കുകയോ ചെയ്താല്‍ മതി.

പ്രതിരോധം
മല്ലി ഇലയോ, പൊടിയോ, മല്ലി അതേ രൂപത്തിലോ എന്നുവേണ്ട ഏത് തരത്തിലായാലും അവയില്‍ ആന്‍റി ഓക്സിഡന്‍റുകള്‍ അടങ്ങിയിട്ടുണ്ട്. ഇവ ശരീരത്തിലെ ദോഷകാരികളായ സ്വതന്ത്ര മൂലകങ്ങളെ തുരത്താന്‍ കഴിവുള്ളതാണ്. മല്ലി അതിന്‍റെ എല്ലാ രൂപങ്ങളിലും ഒരുമിച്ച് ഉപയോഗിച്ചാല്‍ അത് ഏറെ ഫലപ്രദമാകും.

prd
You might also like

Leave A Reply

Your email address will not be published.