തൃഷ, ഇത് നിനക്കുളള അവസാന മുന്നറിയിപ്പാണ്: ഇനി ഇങ്ങനെ തുടർന്നാൽ നീ വിവരം അറിയും: തൃഷയ്ക്കെതിരെ വെല്ലുവിളിയുമായി മീര മിഥുൻ
ചെന്നൈ: തെന്നിന്ത്യൻ താരം തൃഷയ്ക്കെതിരേ വിമർശനവുമായി നടിയും മുൻ ബിഗ് ബോസ് താരവുമായ മീര മിഥുൻ. തന്റെ ചിത്രങ്ങൾ മോർഫ് ചെയ്താണ് തൃഷ ഉപയോഗിക്കുന്നതെന്നാണ് മീര മിഥുന്റെ അവകാശ വാദം. തന്റെ ഹെയർ സ്റ്റൈലും മറ്റും തൃഷ കോപ്പിയടിച്ച് ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്യുന്നുവെന്നാണ്മീര പറയുന്നത്.
“തൃഷ, നിനക്കുളള അവസാന മുന്നറിയിപ്പാണ്. ഇനി ചിത്രങ്ങൾ ഫോട്ടോഷോപ്പ് ചെയ്ത് സോഷ്യൽ മീഡിയയിൽ പങ്കുവെച്ചാൽ വിവരം അറിയും. നിങ്ങൾക്കറിയാം ഞാൻ ഇതെന്തുകൊണ്ടാണ് പറഞ്ഞതെന്ന്. വളരാൻ പഠിക്കൂ.”. ട്വിറ്ററിലൂടെയാണ് മീര തൃഷയ്ക്ക് ഇങ്ങനെ താക്കീത് നൽകിയത്. എന്ത് തന്നെയാണെങ്കിലും മീരയുടെ ഇത്തരം വെല്ലുവിളിയെയും ഭീഷണിയോടും തൃഷ ഇതു വരെ പ്രതികരിച്ചിട്ടില്ല. സംഭവത്തിൽ തൃഷയുടെ ആരാധകർ വിമർശനവുമായി രംഗത്തെത്തിയിട്ടുണ്ട്.