വരാപ്പുഴ കസ്റ്റഡി മരണം; എ.വി. ജോർജിന്റെ സ്ഥലമാറ്റിയതിന് മനുഷ്യാവകാശ കമ്മീഷന്റെ വിമര്ശനം
കൊച്ചി: ആലുവ റൂറൽ എസ്പിയായിരുന്ന എ.വി. ജോർജിന്റെ സ്ഥലംമാറ്റത്തെ വിമർശിച്ച് മനുഷ്യാവകാശ കമ്മീഷൻ.ജോർജിനെ പോലീസ് അക്കാഡമിയിലേക്ക് മാറ്റിയത് ശരിയല്ല. ആരോപണവിധേയൻ ട്രെയിനിംഗ് സ്ഥാപനത്തിന്റെ തലപ്പത്ത് വരരുതെന്നും കമ്മീഷൻ പറഞ്ഞു.ഈ തീരുമാനം പുനഃപരിശോധിക്കണമെന്നും കമ്മീഷൻ ആക്ടിംഗ് ചെയർമാൻ പി. മോഹൻദാസ് ആവശ്യപ്പെട്ടു.
വരാപ്പുഴ ശ്രീജിത്തിന്റെ കസ്റ്റഡി മരണവുമായി ബന്ധപ്പെട്ട് എസ്ഐ അടക്കമുള്ള പോലീസുകാരെ അറസ്റ്റ് ചെയ്തതിനു പിന്നാലെയാണ് ജോർജിനെ സ്ഥലംമാറ്റിയത്. തൃശൂർ പോലീസ് അക്കാഡമിയിലേക്കാണു ജോർജിനെ മാറ്റിയത്.