അബദ്ധങ്ങള് പറഞ്ഞ് മാധ്യമങ്ങള്ക്ക് മസാല വാര്ത്തകള് നല്കരുത്; ബിജെപി നേതാക്കൾക്കു താക്കീതുമായി നരേന്ദ്ര മോദി
ന്യൂഡൽഹി: വിടുവായത്തം വിളന്പുന്ന ബിജെപി നേതാക്കൾക്കു താക്കീതുമായി മോദി. രാജ്യത്തെ ബിജെപി ജനപ്രതിനിധികളുമായി നടത്തിയ വീഡിയോ കോണ്ഫറൻസിലായിരുന്നു മോദിയുടെ പ്രതികരണമെന്ന് എൻഡിടിവി റിപ്പോർട്ട് ചെയ്യുന്നു. നാം പിഴവുകൾ വരുത്തി മാധ്യമങ്ങൾക്കു മസാല നൽകുന്നു. പ്രശ്നങ്ങൾ വിശകലനം ചെയ്യാൻ മിടുക്കുള്ള വലിയ സാമൂഹ്യ ശാസ്ത്രജ്ഞരും വിദഗ്ധരുമാണെന്ന ഭാവത്തിലാണ് ചിലർ സംസാരിക്കുന്നത്. കാമറ കാണുന്പോൾതന്നെ നിങ്ങൾ വായ തുറക്കുന്നു. പാതിവെന്ത കാര്യങ്ങളാണ് വിളിച്ചുപറയുന്നതെന്നും മോഡി പറഞ്ഞു.
ഇത്തരം വിവാദ പ്രതികരണങ്ങൾ വ്യക്തിയുടെ മാത്രമല്ല പാർട്ടിയുടെ പ്രതിച്ഛായയും തകർക്കുമെന്നും മോദി പറഞ്ഞു. കഴിഞ്ഞ ഏപ്രിലിലും മോദി നേതാക്കൾക്കും താക്കീത് നൽകിയിരുന്നു. നിശബ്ദത എന്ന കല പരിശീലിക്കണമെന്നായിരുന്നു നേതാക്കൾക്കുള്ള മോദിയുടെ ഉപദേശം.