പലസ്തീനി പണ്ഡിതൻ മലേഷ്യയില് അജ്ഞാതരുടെ വെടിയേറ്റു മരിച്ചു
ജറൂസലം: പ്രഭാതനമസ്കാരത്തിനായി പള്ളിയിലേക്കു പോകവെ പലസ്തീനി പണ്ഡിതൻ മലേഷ്യയില് അജ്ഞാതരുടെ വെടിേയറ്റു മരിച്ചു. ശനിയാഴ്ച രാവിലെയാണ് സംഭവം. തലക്കു വെടിയേറ്റ ഫാദി അൽ ബാത്ശ് സംഭവസ്ഥലത്തുതന്നെ മരിച്ചു. വധത്തിനു പിന്നിൽ ഇസ്രായേൽ ഇൻറലിജൻസ് ഏജൻസിയായ മൊസാദ് ആണെന്ന് ഫാദിയുടെ പിതാവ് ആരോപിച്ചു. കൊലപാതകത്തെക്കുറിച്ച് അന്വേഷിക്കണമെന്നും അദ്ദേഹം മലേഷ്യൻ അധികൃതരോട് ആവശ്യപ്പെട്ടു.
മോേട്ടാർ ബൈക്കിലെത്തിയ രണ്ടുപേരാണ് വെടിയുതിർത്തതെന്ന് പൊലീസ് അറിയിച്ചു. ഫാദി തങ്ങളുടെ സംഘടനയിൽ പ്രവർത്തിക്കുന്ന ആളായിരുന്നുവെന്ന് ഗസ്സയിലെ ഇസ്ലാമിക കക്ഷിയായ ഹമാസ് അവകാശപ്പെട്ടു. 10 വർഷമായി മലേഷ്യയിലാണ് ഫാദിയും ഭാര്യയും മൂന്നു മക്കളുമടങ്ങുന്ന കുടുംബം.