വാരാപ്പുഴ കസ്റ്റഡി മരണം; എസ്.ഐ ജി.എസ് ദീപക്കിനെ അറസ്റ്റ് ചെയ്തു
Apr 20, 2018, 20:39 IST
കൊച്ചി: വാരാപ്പുഴയിൽ പൊലീസ് കസ്റ്റഡി മരണവുമായി ബന്ധപ്പെട്ട് പറവൂര്‍ എസ്.ഐ ജി.എസ് ദീപക്കിനെ അറസ്റ്റ് ചെയ്തു. ആലുവ പൊലീസ് ക്ലബിൽ വിളിച്ച് വരുത്തിയ ദീപക്കിനെ എട്ട് മണിക്കൂർ ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്. കേസിലെ നാലാം പ്രതിയായ ദീപക്കിനെതിരെ കൊലക്കുറ്റം ചുമത്തി എഫ്.െഎ.ആർ രജിസ്റ്റർ ചെയ്തു.
കേസിൽ റൂറല്‍ ടൈഗര്‍ ഫോഴ്‌സ് അംഗങ്ങളും കളമശ്ശേരി എ.ആര്‍ ക്യാമ്പിലെ പൊലീസുകാരുമായ ജിതിന്‍ രാജ്, സന്തോഷ്‌കുമാര്‍, സുമേഷ് എന്നിവരെ നേരത്തെ അറസ്റ്റുചെയ്തിരുന്നു. ഇവരെ കഴിഞ്ഞ ദിവസം പറവൂർ ജുഡീഷ്യൽ മജിസ്ട്രേറ്റ് 14 ദിവസത്തേക്ക് റിമാൻഡ് ചെയ്തു.