ഇന്തോനേഷ്യയില് ഭൂചലനം; രണ്ടു മരണം
Apr 19, 2018, 09:08 IST
ജക്കാർത്ത: ഇന്തോനേഷ്യയിലെ സെൻട്രൽ ജാവയിൽ ഭൂചലനം. റിക്ടർ സ്കെയിലിൽ 4.4 തീവ്രത രേഖപ്പെടുത്തിയ ഭൂചലനത്തിന്റെ പ്രഭവ കേന്ദ്രം ഭൂനിരപ്പിൽ നിന്ന് നാലു കിലോമീറ്റർ ആഴത്തിലാണ്. ഭൂകമ്പത്തില് രണ്ടു പേർ മരിക്കുകയും 21 പേർക്ക് പരിക്കേൽക്കുകയും ചെയ്തു. മുന്നൂറോളം കെട്ടിടങ്ങൾക്ക് കേടുപാടുകൾ സംഭവിച്ചു. ബുധനാഴ്ച ഉച്ചകഴിഞ്ഞ് 1.28നാണ് ഭൂകമ്പമുണ്ടായത്. രണ്ടായിരത്തോളം പേരെ ദുരിതാശ്വാസ കേന്ദ്രങ്ങളിലേക്ക് മാറ്റിയതായി അധികൃതർ അറിയിച്ചു.