കോണ്ഗ്രസ് ബന്ധത്തെ ചൊല്ലി സിപിഎമ്മിൽ ഭിന്നത രൂക്ഷം; സമവായ ശ്രമവുമായി മണിക് സർക്കാർ
ഹൈദരാബാദ്: കോണ്ഗ്രസ് സഹകരണത്തെ ചൊല്ലി സിപിഎമ്മിൽ ഭിന്നത മൂർച്ഛിക്കുന്നു. കോണ്ഗ്രസുമായി തെരഞ്ഞെടുപ്പു സഖ്യം വേണ്ടെന്ന പ്രകാശ് കാരാട്ടിന്റെ കരടു രാഷ്ട്രീയ പ്രമേയത്തിനു ബദലായി ജനറൽ സെക്രട്ടറി സീതാറാം യെച്ചൂരി ബൂധനാഴ്ച പാർട്ടി കോണ്ഗ്രസിൽ ബദൽ രേഖ അവതരിപ്പിക്കുമെന്നാണു റിപ്പോർട്ടുകൾ. പ്രശ്നത്തിൽ സമവായ ശ്രമവുമായി മുൻ ത്രിപുര മുഖ്യമന്ത്രിയും പൊളിറ്റ് ബ്യൂറോ അംഗവുമായ മണിക് സർക്കാർ രംഗത്തുണ്ട്. ഇടഞ്ഞുനിൽക്കുന്ന യെച്ചൂരിയുമായും കാരാട്ടുമായും മണിക് സർക്കാർ പ്രത്യേകം ചർച്ച നടത്തി.
നേരത്തെ പാർട്ടിക്കുണ്ടായിരുന്ന ശക്തിയും ബഹുജനാടിത്തറയും തകർന്നെന്ന് അടിവരയിടുന്ന സിപിഎം സംഘടനാ റിപ്പോർട്ടിലെ വിശദാംശങ്ങൾ പുറത്തുവന്നിരുന്നു.