സൂപ്പർ കപ്പ്; ഫൈനലില് ബംഗളുരു ഈസ്റ്റ് ബംഗാള് പോരാട്ടം
Apr 17, 2018, 19:39 IST
ഭുവനേശ്വർ: ബംഗളുരു എഫ്സി സൂപ്പർ കപ്പ് ഫൈനലിൽ. മിക്കുവിന്റെ ഹാട്രിക് മികവിൽ മോഹൻ ബഗാനെ രണ്ടിനെതിരെ നാലു ഗോളിനു തോൽപ്പിച്ചാണു ബംഗളുരു ഫൈനലിൽ ഇടംപിടിച്ചത്. ഒരു ഗോളിനു പിന്നിൽ നിന്ന ബംഗളുരു രണ്ടാം പാതിയിലാണ് തരിച്ചു വരവ് നടത്തിയത്. നാലു ഗോൾ തിരിച്ചടിച്ചാണ് ബംഗളുരു മറുപടി പറഞ്ഞത്. 62, 65, 88 മിനിറ്റുകളിലായിരുന്നു മിക്കുവിന്റെ ഗോളുകളാണ് ബംഗളുരുവിനെ ഫൈനലില് എത്തിച്ചത്.
ഫൈനലിൽ ബംഗളുരു ഈസ്റ്റ് ബംഗാളിനെയാണ് നേരിടുന്നത്. ഈ മാസം ഇരുപതിനാണു ഫൈനൽ. എഫ്.സി ഗോവയെ തോൽപ്പിച്ചാണ് ഈസ്റ്റ് ബംഗാൾ സൂപ്പർ കപ്പിന്റെ ഫൈനലിലെത്തിയത്.