നിയമബിരുദമില്ല; കോംഗോയിൽ 257 ജഡ്ജിമാരെ പുറത്താക്കി
Apr 17, 2018, 19:11 IST
കിൻഷാസ: ഡെമോക്രാറ്റിക് റിപ്പബ്ളിക് ഓഫ് കോംഗോയിൽ 257 ജഡ്ജിമാരെ പുറത്താക്കി. നിയമബിരുദമില്ലാത്തവരെയും അഴിമതി ആരോപണങ്ങളിൽ ഉൾപ്പെട്ടവരെയുമാണു പ്രസിഡന്റ് ജോസഫ് കാബില പുറത്താക്കിയത്. മജിസ്ട്രേറ്റിന്റെ ചുമതലകൾ നിർവഹിക്കാത്തവരെയാണു പുറത്താക്കിയതെന്ന് കോംഗോ നീതിമന്ത്രി അലെക്സിസ് താംബ്വെ മ്വാംബ ദേശീയ ടിവി ചാനലിൽ നടത്തിയ പ്രസ്താവനയിൽ പറഞ്ഞു. പുറത്താക്കപ്പെട്ട 257 ജഡ്ജിമാരെ കൂടാതെ രണ്ടു ജഡ്ജിമാർ രാജിവയ്ക്കുകയും ഒരാൾ വിരമിക്കുകയും ചെയ്തു. രാജ്യത്ത് ആകെ 4000 ജഡ്ജിമാരാണുള്ളത്.