മുഖ്യമന്ത്രിയുടെ ഓഫീസുമായി ബന്ധപ്പെട്ട ആരോപണങ്ങള് കേരള പോലീസും അന്വേഷിക്കണം; ഡിജിപിക്ക് കത്ത് നൽകി പ്രതിപക്ഷ നേതാവ്
തിരുവനന്തപുരം: സ്വർണക്കടത്തു കേസിൽ മുഖ്യമന്ത്രിയുടെ ഓഫീസുമായി ബന്ധപ്പെട്ട ആരോപണങ്ങൾ കേരള പോലീസ് അന്വേഷണവിധേയമാക്കണമെന്നു പ്രതിപക്ഷ നേതാവ് രമേശ് ചെന്നിത്തല. ഇക്കാര്യം ആവശ്യപ്പെട്ട് അദ്ദേഹം ഡിജിപിക്ക് കത്തു നൽകി.സർക്കാരിന്റെ ഔദ്യോഗിക ചിഹ്നമുള്ള വിസിറ്റിംഗ് കാർഡ് അടിച്ചു താൻ സർക്കാർ ഉദ്യോഗസ്ഥയാണെന്ന മട്ടിൽ സ്വപ്ന സുരേഷ് ആളുകളെ പരിചയപ്പെട്ടിട്ടുണ്ട്. സർക്കാരിന്റെ ഔദ്യോഗിക വാഹനങ്ങളിൽ വിമാനത്താവളത്തിൽനിന്നു സ്വർണം കടത്തിയെന്ന ആക്ഷേപമുണ്ട്. ഇക്കാര്യങ്ങൾ കേരള പോലീസ് എഫ്ഐആർ രജിസ്റ്റർ ചെയ്ത് അന്വേഷണം നടത്തണമെന്നാണു ചെന്നിത്തല കത്തിലൂടെ ആവശ്യപ്പെടുന്നത്.