പെട്രോൾ ദേഹത്തൊഴിച്ചുനിന്ന ഭാര്യയ്ക്ക് ഭര്ത്താവിന്റെ ലൈറ്ററില് നിന്ന് തീ പടര്ന്നു; പൊള്ളലേറ്റ യുവതി മരിച്ചു
Apr 16, 2018, 21:19 IST
കോട്ടയം: ഭർത്താവിന്റെ ലൈറ്ററിൽനിന്നു തീപടർന്നു പൊള്ളലേറ്റ യുവതി മരിച്ചു. കോന്നി സ്വദേശിനി രമ്യയാണു മരിച്ചത്. കഴിഞ്ഞ ദിവസം, കുടുംബ വഴക്കിനിടെ പെട്രോൾ ദേഹത്തൊഴിച്ചുനിന്ന രമ്യയ്ക്കു സമീപത്തുനിന്ന ഭർത്താവ് ലൈറ്റർ തെളിച്ചതോടെ യുവതിയുടെ ശരീരത്തിലേക്കു തീ പടരുകയായിരുന്നു. ഗുരുതരമായി പൊള്ളലേറ്റ രമ്യയെ കോട്ടയം മെഡിക്കല്കോളേജ് ആശുപത്രിയിൽ എത്തിച്ചെങ്കിലും തിങ്കളാഴ്ച വൈകിട്ടു മരിച്ചു. രമ്യയുടെ ഭർത്താവ് രതീഷിനെ പോലീസ് അറസ്റ്റ് ചെയ്തു.